web counter
LEXO PA REKLAMA!

SHKARKO APP

App Store
Google Play

Nesër do të jetë nata më e gjatë e vitit, “Solstici dimëror”

21 Dhjetor 2019, 08:10, Blog CNA

Nesër, me datë 22 dhjetor në orën 05:19 të mëngjesit, dimri do të trokasë zyrtarisht në vendin tonë pasi është data e Solsticit dimëror, datë që do të shënojë kështu, natën më të gjatë të vitit.

Solstici dimëror është një ngjarje astronomike. Toka kalon në një pozicion ku hemisfera veriore është larg nga dielli, duke shkaktuar më pak dritë për të arritur atë pjesë të planetit.

Në raport me Solsticin Veror që ndodh në qershor, dita në Solticin dimëror është 5 orë e 58 minuta më e shkurtër. Gjatë Ekuinoksit vjeshtor në shtator, dita është e barabartë me natën, por më pas nata gradualisht fillon të zëjë më shumë terren. Në Ekuinoksin pranveror, dita dhe nata fillojnë të kenë kohëzgjatje të barabartë derisa mbërin Solstici veror, ku shënohet dita më e gjatë e vitit.

Për njerëzit në hemisferën jugore, 22 dhjetori do të jetë dita më e gjatë dhe nata më të shkurtër të vitit, e kundërta e asaj që ndodh në hemisferën veriore. Sot, në vendet e hemisferës jugore do të shënohet Solstici veror.

Nga të lashtët, dielli adhurohej si perëndi dhe pothuajse të gjithë popujt e lashtë kremtonin festa për nder të tij, nga skandinavët dhe iranianët e deri te majat dhe Inkasit. Pothuajse kudo, festimet më të mëdha ishin në kohën e Solsticit dimëror, i cili konsiderohej si lindja e Diellit dhe shënonte fillimin e vitit të ri. Monumentet parahistorikë si Stonehenge në Britani besohet se kanë të bëjnë me regjistrimin e lëvizjeve të Diellit në qiell./CNA.al





Lajmet e fundit nga