E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ndërsa Pentagoni “flinte”, Putini ndërtoi një arsenal armësh hipersonike

31 Gusht 2019, 07:56, Blog CNA

Nga Dov S.Zakheim ?The Hill?

* Gjatë fjalimit të tij vjetor para Asamblesë Federale këtë vit, presidenti Vladimir Putin sulmoi Shtetet e Bashkuara për braktisjen e Traktatit të Forcave Bërthamore me Rreze të Ndërmjetme të vitit 1987, ndërsa pohoi se ?puna për prototipet dhe sistemet e armëve për të cilat fola në fjalimin e vitit të shkuar, vazhdon siç ishte planifikuar pa asnjë ndërprerje?.

Putini deklaroi se Rusia, ka nisur prodhimin serial të sistemit të ri të avionëve hipersonikë avangardë, që do të prezantohet në fund të këtij viti. Ai shtoi se raketa balistike ndërkontinentale ?Sarmat?, për të cilën pohoi se ka ?një fuqi të paparë?, ishte ende në fazën e provave, ashtu si raketa lazer ?Peresvet? dhe sistemi i mbrojtjes ajrore, që gjithashtu do të vihen në përdorim brenda këtij viti.

Ai vuri në dukje se raketa balistike hipersonike ?Kinzhal?, pasi iu nënshtrua testimit operacional ?dëshmoi tiparet e saj unike?. Në fund, ai konfirmoi se raketa lundruese bërthamore ?Burevestnik?, sipas tij ?me një distancë të pakufizuar?, dhe nëndetësja pa pilot ?Poseidon?, i kishin kaluar me sukses testet e tyre.

Por që nga fjalimi i Putinit në muajin shkurt, puna për të paktën njërin prej atyre sistemeve ka pësuar ?ndërprerje? mjaft serioze. Pavarësisht pohimit të Putinit, se testimi i raketave ?Burevestnik? po shkonte mirë, ekspertët mendojnë se ishte kjo lloj rakete që po testohej, kur u raportua një shpërthim bërthamor në fillim të këtij muaji, që shkaktoi vdekjen e 7 shkencëtarëve, dhe imponoi evakuimin e banorëve të së paku një fshati aty pranë, për shkak të ekspozimit të mundshëm ndaj rrezatimit vdekjeprurës.

Dështimet në fazat e hershme, apo edhe më të vona të zhvillimit të sistemeve të reja të armatimeve, nuk janë të rralla. Për më tepër, rusët kanë një tolerancë të madhe ndaj provave të dështuara. Ky nuk është gjithmonë rasti, në lidhje me zhvillimin e armëve në SHBA.

Gjithsesi, Moska po ecën përpara me zhvillimin e sistemeve të tjera të saj të armatosura bërthamore, dhe është e sigurtë se do të vazhdojë të testojë raketat ?Burevestnik?. Sikurse e pranon vetë Pentagoni, Shtetet e Bashkuara mbeten pas Rusisë dhe Kinës në zhvillimin e armëve hipersonike, dhe janë vetëm në fillimet e procesit, kur është fjala për mbrojtjen kundër këtyre sistemeve.

Nuk është se Departamenti i Mbrojtjes (DOD), nuk ka programe për armët hipersonike. Si ekspert i DOD-it në fillim të këtij shekulli, unë mbështeta dhe miratova fondet për hulumtimet hipersonike. Pentagoni, ka prirje të pasqyrojë një inerci të brendshme, që kundërshton futjen e sistemeve të reja, derisa të mos ketë ndonjë alternativë tjetër, gjë që tani është rasti.

Rusia është thuajse e sigurtë, se do t?i prezantojë pothuajse të gjitha armët

e saj të reja hipersonike, shumë përpara se ato të shfaqen në arsenalin amerikan, dhe përpara se Shtetet e Bashkuara të kenë zhvilluar mbrojtjen e duhur kundër tyre.

Në këtë mënyrë, Moska do të zvogëlojë efektivitetin mbrojtës të raketave balistike të SHBA-së, të cilat nuk janë të destinuara për të shenjestruar ? dhe aq më pak të rrëzojnë – sistemet hipersonike, veçanërisht raketat lundruese si ?Burevestnik?.

Për sa kohë që Uashingtoni, nuk ka mjete për t?u mbrojtur kundër sistemeve strategjike hipersonike, ai do të detyrohet të përdorë parandalimin e sigurtë të ndërsjellë (MAD), të cilin sistemet mbrojtëse të raketave anti-balistike, mendohej ta shfuqizonin.

Putin e ka kundërshtuar gjithmonë tërheqjen e Uashingtonit në vitin 2002 nga Traktati i Rekatave Anti-Balistike (ABM), megjithëse në atë kohë, ai nuk protestonte me shumë forcë kundër veprimit amerikan, saç bën sot.

Moska ka pasur gjithnjë frikë nga programi amerikan i mbrojtjes raketore, pasi ai i jep Shteteve të Bashkuara avantazhin e eleminimit të aftësive të ?goditjes së parë dhe të dytë? të Rusisë, teksa ruan aftësinë e vet për të goditur sipas dëshirës objektivat ruse.

Përkundrazi, Rusia ashtu si Bashkimi Sovjetik përpara saj, preferon një regjim të kontrollit të armëve, që barazon aftësitë e tij strategjike bërthamore me ato të Amerikës, megjithë pabarazinë e madhe në fuqinë ekonomike dhe potencialin prodhues që kanë të dyja vendet.

Kremlini ka favorizuar kontrollin e armëve edhe për një arsye tjetër:Uashingtoni ka një rekord shumë më të mirë në respektimin e traktateve, sesa Rusia. Në fakt, përkundër gjithë shqetësimit rus për tërheqjen e SHBA-së nga Traktati i INF, ishte Moska ajo që kishte shkelur prej vitesh atë traktat. Rusia nuk është aktualisht e gatshme të rinovojë dhe zgjerojë marrëveshjen ?Neës START 2011?, që do të skadojë në vitin 2021, për të përfshirë armët e saj të reja hipersonike.

Më së paku, ajo do t?i përdorë këto armë si një kartë të fortë në duar në tryezën e bisedimeve, për të arritur një marrëveshje që kufizon, në mos i eliminon ato armë, në këmbim të një Traktati të ri kundër Raketave Balistike.

Në qoftë se burokracia e Pentagonit, nuk zgjohet nga ?përgjumja e tij? e zakonshme, dhe shpejton rrënjësisht zhvillimin si të aftësive sulmuese ashtu edhe mbrojtëse hipersonike, Shtetet e Bashkuara do të detyrohen të përdorin MAD, si opsionin e vetëm parandalues.

Dhe në këtë mënyrë, do t?i japë mundësi Putinit të arrijë objektivin e tij të vjetër: të minojë programin strategjik të mbrojtjes raketore, që i prezantoi si synim 3 dekada më parë presidenti Ronald Regan./ Përshtatur nga CNA.al.