E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Evropa t’i japë fund trajtimit ç’njerëzor të emigrantëve ilegalë

28 Gusht 2019, 08:17, Blog CNA

Nga Leonid Bershidsky ?Bloomberg?

* Në korrik të këtij viti, në Detin Mesdhe u mbytën më shumë emigrantë se sa në korrikun e vitit 2015, në kulmin e krizës së refugjatëve, dhe kjo pavarësisht një numri të reduktuar ndjeshëm të mbërritjeve në Evropë. Vdekjet e 238 refugjatëve, rëndojnë të paktën pjesërisht në ndërgjegjen e politikanëve evropianë.

Bashkimi Evropian, ka dëshpërimisht nevojë për një politikë të arsyeshme ndaj organizatave joqeveritare, anijet e shpëtimit të të cilave ofrojnë shumë, në mos të vetmen shpresë për emigrantët e bllokuar në det. Nëse qëllimi i tyre ishte pamundësimi i ardhjes së emigrantëve të tjerë, evropianët mund ta komplimentojnë më në fund veten e tyre.

Deri tani, ekzistojnë marrëveshje që i pengojnë emigrantët të ndërmarrin secilën nga 3 rrugë-kalimet e mundshme: Maroku në Spanjë (të dyja vendet nënshkruan një marrëveshje në shkurt), nga Libia në Itali (një marrëveshje e BE-së me qeverinë e dobët libiane, ka ekzistuar që nga viti 2017), dhe nga Turqia në Greqi (BE e ka paguar që nga vitit 2016 qeverinë turke të mos i lejojë azilkërkuesit të kalojnë drejt Evropës, megjithëse Turqia njoftoi muajin e kaluar se do e ?pezullojë? në mënyrë të njëanshme këtë marrëveshje).

Një element ndryshe këtë vit, kanë qenë sulmet e ministrit të Brendshëm italian, Mateo Salvini ndaj emigracionit të paligjshëm në Mesdhe. Sa i përket mbërritjeve, ulja e tyre ka qenë një sukses i madh. BE-së i është dashur rreth 4 vjet, për të ndërtuar një sistem marrëveshjesh, që e ul numrin e emigrantëve që vijnë nga Turqia dhe Afrika e Veriut, në një minimum të menaxhueshëm.

Pasi ndërtoi sistemin e vet të mbrojtjes, BE i pezulloi operacionet e saj detare të kërkimit- shpëtimit në Mesdhe. Operacioni ?Sofia?, është sot i kufizuar vetëm në fluturimet mbi det, për të monitoruar trafikun e qenieve njerëzore. Në këtë pikë, me shpëtimin e emigrantëve në det merren vetëm një pjesë e vogël organizatash joqeveritare humanitare, të specializuara në këtë fushë.

EV, me qendër në Gjermani drejton 2 anije shpëtimi, ?Sea-Ëatch 3? dhe ?Mare Jonio?. Një ojq tjetër ka dy anije ?Sea-Eye? dhe ?Alan Kurdi?, sipas emrit të vogëlushit sirian që u mbyt në brigjet e Turqisë në vitin 2015. Edhe organizata bamirëse spanjolle ?Open Arms?, operon me një anije me të njëjtin emër.

?Mjekët pa Kufij? dhe ?SOS Mediterranee?, shpëtojnë emigrantët e rrezikuar me anijen ?Viking Ocean?. Por që nga ky muaj, këto anije vazhdojnë të pengohen dhe ndalohen nga autoritetet. Në ballë të luftës ndaj tyre qëndron Italia falë Salvinit, që në fillim të këtij muaji arriti të bindë parlamentin italian të miratojë një ligj, që gjobit me 50 mijë deri në 1 milionë euro gjobë çdo anije me emigrantë që zbarkon në portet e saj.

Por edhe Malta, Greqia dhe Spanja kanë nisur zbatimin e procedurave të ndryshme juridike, përfshirë ato penale, kundër oqj-ve që shpëtojnë emigrantët. Vuajtjet më të mëdha për emigrantët, ndodhin kur anijet e shpëtimit përpiqen të ankorohen diku në Evropë.

?Open Arms? kaloi 19 ditë në det, në pamundësi për të zbarkuar askund, përpara se Italia t?i lejonte më në fund të zbarkonin 80 migrantët që gjendeshin në bord javën e kaluar. ?Viking Ocean?, iu refuzua për 14 ditë hyrja në disa porte evropiane, përfshirë këtu edhe furnizimin me karburant, përpara se qeveritë evropiane të arrinin po javën e kaluar një marrëveshje ?ad hoc? për të shpërndarë midis tyre 356 migrantët që kishte shpëtuar në det.

Marrëveshje të tilla rast pas rasti, janë në rendin e ditës, në mungesë të një mekanizmi të përhershëm të BE-së mbi këtë problem. Muajin e shkuar, presidenti francez Emanuel Makron, deklaroi se 14 shtete anëtare të BE-së, kishin rënë dakord për krijimin e një ?mekanizmi solidariteti? të propozuar nga Franca dhe Gjermania, por vetëm 8 vende konfirmuan pjesëmarrjen ne të; dhe vetëm 6 – Franca, Gjermania, Luksemburgu, Irlanda, Portugalia dhe Rumania ? pranuan në fund ?pasagjerët? e anijes ?Viking Ocean?.

Ndërsa politikanët bëjnë pazare për çdo emigrant shtesë që pranojnë, kapitenët e anijeve të oqj-ve kanë fituar statusin e yjeve të muzikës. Karola Rakete dhe Pia Klemp, që punojnë për ?Sea-Watch?, janë bërë emra shumë të njohur ne vendin e tyre, Gjermani, duke u intervistuar shpesh nga media kombëtare, dhe fituar disa çmime prestigjioze.

Javën e kaluar, Klemp refuzoi çmimin më të lartë që jep qyteti i Parisit, Medaille Grand Vermeil, duke e akuzuar Francën për keqtrajtim të azilkërkuesve. ?Ne nuk kemi nevojë që autoritetet të vendosin kush është një ?hero?, dhe kush një ?i paligjshëm?-shkroi ajo në Facebook.

Por njerëz si Raket dhe Klemp, janë sot të vetmit që kanë guximin dhe ndjenjën e përgjegjësisë, për të shpëtuar refugjatët e dëshpëruar nga mbytja në det. Anijet e tyre, nuk janë ?taksi emigrantësh? për trafikantët e qënieve njerëzore, siç i ka quajtur ato Salvini.

Respekti që imponojnë 2 kapitenët, është shenja se një pjesë e madhe e shoqërisë civile evropiane, nuk është gati të pranojë politikat që i lënë njerëzit të bllokuar në det, pavarësisht nëse ata kanë apo jo dokumente të vlefshme për të emigruar.

Nëse BE-ja si bllok nuk është në gjendje të gjejë gjuhën e përbashkët mbi reformën e emigracionit, për shkak të kundërshtimit të palëkundur nga politikanë si Salvini, dhe qeveritë nacionaliste të Evropës Lindore, ajo duhet të ndërtojë të paktën një koalicion të vullnetit të mirë brenda unionit, që do të parandalonte lënien për disa javë në det të hapur të anijeve të ojq-ve, derisa qeveritë të arrijnë një marrëveshje se kush duhet të pranojë sa njerëz.

Kjo do të thotë të përcaktohen disa porte, ku mund të sillen emigrantët, prej nga ku të dërgohen pa vonesë në shtetet pritëse, sipas një kuote të paracaktuar. Dhe kjo nuk do të thotë të normalizosh emigracionin pa dokumenta:Ata që vijnë sot përmes detit Mesdhe në Evropë, janë njerëz vërtet të dëshpëruar. Asnjë prej tyre nuk po e rrezikon jetën e tij për qejf. Ata janë dyfish të dëshpëruar kur anijet e tyre fundosen larg bregut, dhe jashtëzakonisht me fat kur një anije shpëtimi u vjen në ndihmë. 839 emigranët e mbytur që nga fillimi i këtij viti, nuk e patën një fat të tillë./ Përshtatur nga CNA.al.