web counter
LEXO PA REKLAMA!

SHKARKO APP

App Store
Google Play

E fundit!

x

Tentuan të vidhnin banesën/ Arrestohen ‘skifterët’

21 Korrik 2018, 10:11, Aktualitet CNA

Dy shtetas tentuan të vidhnin një banesë ditën e sotme, por falë një telefonate të bërë në polici është bërë i mundur arrestimi në flagrancë i autorëve të krimit, si dhe shpallja në kërkim të bashkëpunëtorti tjetër i cili mundi të largohej.

Policia arrestoi shtetasin Erjon Ibi, 42 vjeç, banues në fshatin Çërravë-Pogradec dhe është vënë në kërkim të shtetasit A.H, 40 vjeç.

Policia sekuestroi në cilësinë e provës materiale bizhuteritë e vjedhura në banesë./CNA.al

Postimi i plote i policise:

Më datë 20.07.2018, rreth orës 21:00, është marrë një telefonatë se në fshatin Rëmenj, në banesën e shtetasit A.D, 37 vjeç, kanë hyrë dy persona për të vjedhur.

Menjëherë në vendngjarje shkuan shërbimet e Komisariatit të Policisë Pogradec, si edhe forcat operacionale të DVP-Korçë të cilët bënë kapjen në flagrancë të shtetasit:

Erjon Ibi, 42 vjeç, banues në fshatin Çërravë-Pogradec.

Ky shtetas në bashkëpunim me shtetasin A.H, 40 vjeç, i cili ka mundur të largohet para mbërritjes së Policisë, kishin hyrë në katin e dytë të banesës dhe pasi janë diktuar nga pronari i saj e kanë hasur në rezistencën e tij, e kanë goditur këtë të fundit me një mjet të fortë duke i shkaktuar dëmtime të lehta trupore.

Shtetasi Erjon Ibi, ka mundur të marrë vetëm disa bizhuteri, të cilat iu gjetën e sekuestruan në cilësinë e provës materiale.

Nga ana e Policisë, po punohet për kapjen e shtetasit A.H.

Materialet i kaluan Prokurorisë të Rrethit Gjyqësor Pogradec, për veprën penale parashikuar nga neni 139 dhe 25 të Kodit Penal.





Lajmet e fundit nga