web counter
LEXO PA REKLAMA!

SHKARKO APP

App Store
Google Play

E fundit!

x

Kufiri me Kosovën/ Ja si e komentojnë malazezët qendrimin e kryeministrit Haradinaj

22 Shtator 2017, 07:15, Aktualitet CNA

Duke komentuar deklaratën e para pak ditëve të kryeministit të Kosovës, Ramush Haradinaj, se ?versioni i tanishëm i marrëveshjes së demarkacionit (kufirit) me Malin e Zi do të bjerë?, funksionari i lartë i PDS, Nikollë Gegaj, ka thenë për gazetë malazeze ?Pobjeda? se është thellësisht i bindur ?se edhe me qeverinë e udhëhequr nga Haradinaj do të vazhdojmë bashkëpunimin e shkëlqyeshëm që dy qeveritë kanë në vazhdimësi?. Marrëdhëniet me shtetin e Kosovës janë të shkëlqyera dhe kështu do të jenë edhe në të ardhmen.  Për ne çështja e Demarkacionit me Kosovën është e përfunduar dhe nuk ka arsye që të kthehemi mbrapa, ka artikuluar Gegaj, duke vlerësuar se ajo më së shumti është çështje e mbrendshme politike e Kosovës,që nuk do të ndikojë në përkeqësimin e marrëdhënieve të mira në mes dy vendeve. ?Ky nuk është problemi ynë, as nuk e shohim si një pengesë, sepse ne kemi përfunduar këtë proces?, theksoi Gegaj, duke plotësuar të thotë se kufijët e ish Jugosllavisë janë gjerësisht të pranuar dhe të konfirmuar edhe nga faktori ndërkombëtar.

Ne kemi nënshkruar marrëveshjen me Kosovën në Vjenë dhe parlamenti ynë ratifikoi atë. SHBA-të dhe përfaqësuesit e BE-së çdo ditë u bëjnë thirrje partive politike të Kosovës që të ratifikojnë marrëveshjen , duke paralajmëruar se shtyrja e ratifikimit është e dëmshme për kredibilitetin e atij vendi në skenën ndërkombëtare.

?Besoj se institucionet e Kosovës kanë kapacitet demokratik që të sjellin vendimet e duhura dhe Mali i Zi në këtë drejtim do të tregojë durimin e duhur.?, komentoi ndër të tjera funksionari Gegaj, i cituar nga ?zëri,info?.





Lajmet e fundit nga