E fundit!

14:17 Aktualitet

Vjedhje e majme në filial/ Shkarkohet drejtoresha e Postës Shqiptare në Durrës

Këtë të martë është shkarkuar nga detyra drejtoresha e fil...

Grabitja në Rinas/Prokuroria zgjeron hetimet, përfshihen edhe institucionet e shtetit

5 Korrik 2016, 15:26, Aktualitet CNA

Prokuroria zgjeron rrethin e hetimit në lidhje me grabitjen e kryer më 30 Qershor në pistën e aeroportit ndërkombëtar ?Nënë Tereza?, ku të paktën 3 persona të armatosur dhe të maskuar arritën të marrin rreth 3 milionë euro të një banke të nivelit të dytë, që po i transferinte jashtë Shqipërisë.

Burime nga organi i akuzës bëjnë të ditur se në hetim do të përfshihen edhe institucionet shtetërore që kanë pasur dijeni në lidhje me problematikën e sigurisë në aeroport dhe nuk kanë marrë masat e duhura. Mësohet se hetimet në lidhje me grabitjen e kryer në aeroport do të transferohen nga Prokuroria e Krujës në atë të Tiranës, e cila do të bashkëpunojë me Prokurorinë e Krimeve të Rënda për zbardhjen e ngjarjes.

Burimet theksojnë se referuar testimeve të kryera nga Autoriteti i Aviacionit Civil dhe Policia e Shtetit mbi masat e sigurisë në aeroport, prokurorët do të analizojnë raportet e hartuara mbi këto testime, sikundër do të përfshihen nën hetim institucionet që kanë qenë në dijeni mbi mungesën e masave por nuk kanë vepruar, qoftë edhe duke informuar institucionet përkatëse apo eprore. Grupi hetimor dyshon se grabitja e 30 Qershorit është kryer nga i njëjti grup të cilët kanë kryer edhe dy grabitjet te mëparshme të ndodhura në aksin rrugor Tiranë-Rinas.

Bëhet fjalë për grabitjen e 3 dhjetorit 2015, ku një automjet i një shoqërie private teksa transportonte një shumë parash të një banke në drejtim të Rinasit ka rënë pre e grabitjes në afërsi të Laknasit.

Grabitja tjeter ndodhi më 13 shkurt 2015, ku maskat kanë mundur të marrin nga duart e punonjësve të sigurisë rreth 100 milionë lekë teksa i transportonin në ambientet e brendshme të një banke. /citynews/