web counter
LEXO PA REKLAMA!

SHKARKO APP

App Store
Google Play

E fundit!

x

Transporti urban, mungon ajri i kondicionuar dhe higjena

5 Korrik 2016, 12:04, Aktualitet CNA

Bashkia e Tiranës disa muaj më parë vendosi të rrisë çmimin e biletës për transportin urban me 33 %, duke e argumentuar këtë vendim me përmirësimin e kushteve për qytetarët që do të zgjidhnin këtë lloj transporti.

Por ajo që po ndodh sot me transportin urban, nuk ka aspak lidhje me zotimet e Kryebashkiakut Veliaj nga njëra anë dhe operatorëve të linjave urbane nga ana tjetër që zotoheshin për përmirësimin e kushteve, autobuzëve apo orareve në qarkullimin e tyre.

Gjithsecili që ka provuar apo ka zgjedhur udhëtimin me linjë urbane, sidomos në këto ditë të nxehta vere, ku temperaturat variojnë deri në 40 gradë, ka evidentuar lehtësisht mungesën e kushteve më minimale në situata të tilla, që është ajri i kondicionuar.

Veç kësaj mund të evidentohet një mungesë e theksuar higjene, pse jo edhe sigurie, pasi drejtuesit e mjeteve parapëlqejnë mbajtjen hapur të dyerve të autobuzit sesa vënien në punë të kondicionerëve.

Qytetarët ankohen se urbanët nuk i ndezin kondicionerët për të kursyer karburant, ndërsa shoferët justifikohen se ka pak qytetarë brenda mjetit të transportit dhe nuk mund ti ndezin për një numër të vogël.

Kur kanë kaluar 7 muaj nga premtimet e Kryebashkiakut për një përmirësim në shërbimin e transportit urban, kushtet në rastin më të mirë kanë mbetur të pandryshuara, për të mos thënë se janë përkeqësuar.

Nuk e dimë nëse Veliaj apo punonjës të Bashkisë së Tiranës qarkullojnë me autobuzë në këto ditë të nxehta vere, por sygjerimi ynë për të është që të mbrojë interesin e qytetarëve./citynews





Lajmet e fundit nga