web counter
LEXO PA REKLAMA!

SHKARKO APP

App Store
Google Play

E fundit!

x

Bashkëpunimi Rinor, zyra rajonale në Tiranë/Rama: Epokë e re për Ballkanin përmes procesit të Berlinit

5 Korrik 2016, 10:58, Aktualitet CNA

Zyra rajonale e Bashkëpunimit Rinor do të ngrihet në Tiranë, ndërs përmes saj do të synohet financimi i projekteve që rrisin bashkëpunimin mes vendeve të Rajonit si dhe mundësitë për kualifikime profesionale. Vendimi është marrë nga Kryeministrat e vendeve të Rajonit, të cilët kanë firmosur marrëveshjen për ngritjen e kësaj zyre në kryeqytetin shqiptar.

Duke u bazuar në përvojën 50 vjeçare të zyrës së rinisë franko-gjermane, për bashkëpunimin e të rinjve, misioni i Zyrës në Tiranë do të jetë ai i mbështetjes së aktiviteteve që promovojnë pajtimin e popujve, si dhe programet për diversitetin, shkëmbim ndërkulturor, lëvizshmërinë rajonale, pjesëmarrjen e qytetarëve dhe promovimin e vlerave demokratike.

Të gjitha shtetet pjesëmarrëse shprehën bindjen e tyre se RYCO do të japë një kontribut të madh në pajtimin dhe të ardhmen europiane të rajonit, duke forcuar shkëmbimet dhe lëvizjen e rinisë së rajonit.

Kryeministri Rama vlerësoi Samitin, si një takim inkurajues në mënyrë të veçantë për vendet që janë në rrugën e integrimit europian. Kryeministri Rama vuri theksin se është hapur një epokë e re për Ballkanin Perëndimor përmes procesit të Berlinit

?Më vjen mirë që u vlerësua lart propozimi i Shqipërisë dhe puna e bërë sëbashku me qeveritë e tjera me mbështetjen e rrjetit të zyrave të Bankës Botërore për një plan veprimi për heqjen e barrierave jotarifore dhe lehtësimin maksimal të tregtisë dhe të transportit mes vendeve tona. Është një plan që ne e kemi propozuar nisur nga eksperienca shumë pozitive mes Shqipërisë dhe Kosovës. Është një plan i përqafuar menjëherë nga qeveria e Serbisë dhe qeveritë e tjera e ne po përgatitemi ta lançojmë sëbashku në muajin shtator të bindur që do të sjellë një impakt pozitiv në rritjen e përbashkët të volumeve tregtare në rajon dhe padyshim dhe në rritjen ekonomike të vendeve të rajonit?, theksoi Rama.





Lajmet e fundit nga