web counter
LEXO PA REKLAMA!

SHKARKO APP

App Store
Google Play

E fundit!

x

Imsi Catcher/ A janë përgjuar edhe Gjyqtarët dhe Prokurorët e Krimeve të Rënda?

5 Korrik 2016, 11:29, Aktualitet CNA

Prej disa javësh Task Force pranë Prokurorisë së Tiranës ka nisur hetimet mbi dyshimin e kryerjes së përgjimeve të paligjshme përmes pajisjes Imsi Catcher, e sjellë në Shqipëri nga Interforce, për trajnimin e policisë shqiptare.

Burime nga organi i akuzës bëjnë të ditur se nga informacionet e mbledhura në rrugë operative, rezulton se automjeti ku ishte instaluar pajisja ka lëvizur dhe ka qëndruar në zonën mes godinës ku ndodhet Gjykata e Krimeve të Rënda, Prokuroria e Krimeve të Rënda dhe Burgu 313. Por gjithashtu në këtë zonë ndodhen edhe disa institucione të tjera të rëndësishme si Zyrat Qendrore të Hipotekës, Arkivi i Shtetit, Gjykata Penale e Tiranës, dega e Tatimeve dhe ajo e Hipotekës Tiranë, Shërbimi i Provës etj.

Madje nga të dhënat e organit të akuzës, pajisja ka hyrë edhe në burgun 313, kjo të paktën sipas regjistrave që janë sekuestruar nga Prokuroria.

Por referuar të dhënave teknike të pajisjes, nëse ajo është shfrytëzuar për përgjim, atëherë për shkak edhe të afërsisë mes institucioneve të drejtësisë, Gjykatës dhe Prokurorisë së Krimeve të Rënda, dhe burgut 313, atëherë në rrjetën e përgjimeve të paligjshme mund të kenë rënë edhe prokurorë dhe gjyqtarë, çka mund të përbëjë një tjetër skandal, veç atij që sot po hetohet nga Prokuroria.

Gjithsesi hetimi i nisur prej disa javësh nga Prokuroria e Tiranës do të mund të përcaktojë nëse pajisja në fjalë ka kryer apo jo përgjime të paligjshme, megjithëse sipas grupit hetimor një përgjigje përfundimtare do të jepej vetëm nëse do të ekzaminohej pajisja në fjalë.

Nga të dhënat që disponon grupi hetimor pajisja ka hyrë dhe ka dalë në të paktën 3 paraburgime ose burgje, sikundër është identifikuar se ka qëndruar në zona të ndryshme të Tiranës, Fierit, Elbasanit dhe Vlorës. /citynews/





Lajmet e fundit nga