Sensorët inteligjentë sjellin më afër manaxhimin e zgjuar të parkimeve

5 Korrik 2016, 12:30, Aktualitet CNA

Përfshirja e teknologjisë së zgjuar, si sensorë dhe kamera, në manaxhimin e parkimeve, jo vetëm që kursen kohën e shoferëve, të cilët kërkojnë për vende parkimi, por gjithashtu rrit efikasitetin operacional sikurse të ardhurat për pronarët e parkimeve.

Sipas kompanisë ?Navigant Research?, sensorët e rrjetëzuar, të cilët detektojnë hapësirat e parkimit, janë ato çka mund të ofrojnë inteligjencën bazike për sistemet e zgjuara të parkimit. Në fakt, në një raport të kohëve të fundit, kjo kompani parashikon që sensorët e instaluar për manaxhimin e zgjuar të parkimeve, do të tejkalojnë shifrën 1 milion deri në vitin 2024.

Duke përdorur sensorë, programe dhe interpretim të zgjuar të të dhënave, benefitet e parkingut të zgjuar janë mjaft të qarta. ?Infrastruktura e zgjuar kursen kohë, mbron ambjentin si dhe përmirëson cilësinë e jetesës së banorëve të qytetit,? ? shprehet Marcus Zwick, Drejtuesi i Departamentit të Inovacionit për Manaxhimin e Mobilitetit në kompaninë Siemes.
Përdorimi i sensorëve, po ndihmon ndjeshëm shoferët për të gjetur më lehtë hapësira parkimi, duke lejuar manaxherët e parkimeve të shtojnë përfitimet e tyre financiare.

?Sistemi ynë wireless me sensorë parkimi, të quajtur SENSIT, detekton në kohë reale nëse një hapësirë parkimi është e lirë apo jo e gjithashtu edhe për sa kohë,? ? shprehet Edwin Siemerink, Manaxheri i SENSIT nga Nedap Mobility Solutions. ?Ky informacion mund të përdoret në mënyrë efikase për të drejtuar shoferët drejt e në hapsirat e lira të parkimeve. Zgjidhja jonë për parkimet, njofton personat përgjegjës, në rast qëndrimesh të gjata në parkim apo makinat, të cilat keqpërdorin vendparkimet. Gjithashtu, të dhënat e mbledhura në kohë reale nga sensorët, mund të përdoren për tu integruar në aplikacionet apo ekranët të lidhur me pagesat e parkimeve.?

Sensorët tokësorë po bëhen mjaft popullorë si mekanizma për të monitoruar hapësirat e parkimeve. Gjithsesi, kompani si Siemens, po propozojnë përdorimin e sensorëve radarë në vend të tyre. ?Në krahasim me sensorët tokësorë, sensorët radarë jo vetëm detektojnë zënien e një hapsire parkimi individuale, por mund të monitorojë disa hapësira në të njëjtën kohë, sikurse ambjentin rrethues, si korsitë e biçikletave, trotuare dhe rrugë),? ? shprehet Zwick.

Zwick shpjegon si funksionon teknoogjia e Siemens: ?Një rrjet sensorësh, bazuar në radarë të zhvilluar së fundmi, të cilët instalohen në shtyllat e ndriçimit, të cilat regjistrojnë pozicionin e parkimit dhe mëson nga lëvizja e përsëritur e përdoruesve të parkimit. Të dhënat përpunohen në një qendër kontrolli, duke i lejuar shoferët të fusin destinacionin e tyre në një telefon të zgjuar apo navigator dhe mund të marrin informacione mbrapsht lidhur me situatën e parkimive në destinacion.? Për më tepër, sistemi është i lidhur me një modem multimodal, i cili mundëson informacion në kohë reale, mbi mundësitë e mundshme për të vazhduar udhëtimin me transport urban, në rast se nuk ka një parkim të mundshëm në destinacionin përkatës./ Marrë nga securityworld.al