E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Kosova dhe Franca nënshkruajnë marrëveshjen financiare

5 Korrik 2016, 14:14, Aktualitet CNA

Kosova dhe Franca nënshkruajnë Marrëveshjen financiare për investime në përpunimin e ujërave të zeza. Në prani të kryeministrit të Republikës së Kosovës, Isa Mustafa, ministri i Financave, Avdullah Hoti dhe ministri i Financave i qeverisë së Republikës së Francës, Michel Sapin, kanë nënshkruar Protokollin Financiar ndërmjet Republikës se Kosovës dhe Republikës se Francës.

Njoftimi i dëeguar sot thekson se, ky protokoll financiar i paraprin marrëveshjes financiare, e cila do të ofroj mbështetje financiare per realizimin e projektit per përpunimin e ujerave te ndotura të qytetit të Prishtinës. Ky projekt është pjese e prioriteteve te zhvillimit ekonomik të Republikës së Kosovës.

Mbështetja financiare do të shërbejë për financimin e ndërtimit dhe operacionalizimin e uzinave të përpunimit të ujërave të ndotura. Kjo mbështetje jepet në formë huaje nga ana e Thesarit francez në shumën prej 66 milionë euro së bashku me financimin lokal të qeverisë së Kosovës në shumën prej 20 milionë. Huaja i jepet Kosovës nga Franca me afat kohor prej 30 vitesh, 5 vitet e para janë pa detyrim shlyerje, ndërsa pas 5 viteve interesi do të jetë 0.036%.

MF_2_Paris Ministri i Financave, Avdullah Hoti, nënshkrimin e protokollit financiar e vlerësoi lartë dhe shprehu përkushtimin e qeverisë së Republikës së Kosovës për bashkëpunimin edhe më të ngushtë me shtetin e Francës.

?Nënshkrimi i protokollit financiar tregon edhe njëherë përkushtimin e shtetit Francez për ta ndihmuar Kosovën në segmente të ndryshme të zhvillimit të saj dhe gjithashtu kjo marrëveshje shpreh gatishmërinë e qeverisë së Kosovë për të krijuar kushte dhe për të siguruar një ambiente sa më të pastër për qytetarët e vendit?, shtoi ministri Hoti.

Ndërsa, ministri francez i Financave, Michel Sapin, vlerësoi lartë nënshkrimin e marrëveshjes dhe theksoi se kjo marrëveshje është edhe një hap me tej drejt forcimit të marrëdhënieve bilaterale ndërmjet dy vendeve.