web counter
LEXO PA REKLAMA!

SHKARKO APP

App Store
Google Play

E fundit!

x

Hiqen taksat doganore mes 6 vendeve  të Ballkanit

5 Korrik 2016, 14:03, Aktualitet CNA

Vendet e Rajonit mbështesin propozimin e Shqipërisë për të hequr taskat përsa i takon shkëmbimeve tregtare.

Kjo u bë e ditur nga Kryeministri Edi Rama në përfundim të Samitit të Parisit, ku tha se 5 vendet e rajonit kanë mbështetur propozimin për të hequr taksat për shkëmbimet tregtare. Referuar marrëveshjes, nga Shtatori shkëmbimet tregtare mes 6 vendeve te Ballkanit, Shqipërisë, Bosnjë Hercegocninës, Kosovës, Malit të Zi, Maqedonisë dhe Kroacisë do të  jenë të lira dhe të përjashtuara nga taksat.

Në Samitin e Parisit, këto shtete kanë mbështetur propozimin e kryeministrit Edi Rama i cili ka sugjeruar  shtrirjen e praktikes që po zbaton Tirana me Prishtinën,  për ti dhënë shtysë bashkëpunimit ekonomik, përmes tarifave zero.

Nga marrëveshja e firmosur në Paris, Shqipëria është përfituese direkte e 35 milionë eurove për rehabilitimin e hekurudhës Tiranë-Durrës, si dhe 1 milionën eurove për ngritjen e Zyrës Rajonale të Bashkëpunimit Rinor.

Samiti i Parisit u zhvillua në një periudhë ku zhvillimet brenda BE janë dominuar nga largimi i Britanisë nga BE, çka ka shtuar pikëpytetjet mbi zgjerimin e unionit. Kryeministri tha se nga kancelarja gjermane Merkel dhe  presidenti francez Hollond kishte marrë garanci se zgjerimi i BE nuk do të ndalet.

?Jemi të kënaqur që mesazhi ynë për të mos reshtur në procesin e integrimit dhe për të shkuar më tutje padyshim që pati jehonë pozitive, jo në këtë rast thjesht për ndonjë meritë, por thjesht sepse qoftë Kancelarja, qoftë Presidenti Hollande u treguan shumë të vendosur që ta çojmë përpara procesin e integrimit të vendeve tona në Bashkimin Europian?, tha Rama.

Në Samit u mbështetën edhe dy projektet e tjera që kanë të bëjnë me modernizimin e hekurudhës Nish-Dimitrovgrad-kufiri me Bullgarinë, me një grant prej 44 milionë Euro, dhe projekti nga Kosova për rehabilitimin e Hekurudhës Fushë-Kosovë-Mitrovicë, që do mbështetet me një grant  prej 17 milionë Eurosh.





Lajmet e fundit nga