Kreu demokrat i Durresit leter publike sekretarit Kerry

13 Shkurt 2016, 17:31, Opinione CNA

Sekretarit të Shtetit Shkelqesisë së tij Z. John Kerry !

I dashur Sekretar i nderuar mik i vendit tim.

Nder për çdo shqiptar ardhja Juaj në tokën e shqiponjës. I dashur mik ky vend mbart shumë histori dhe dhimbje bashkë,si shumë vende dhe kombe të tjerë.

Historinë shpesh herë e kemi harruar dhe ngatërruar, nga koha dhe dhimbja. Historia jonë mbart shumë gjak dhe sakrifica….për të ruajtur këtë tokë ku shqiponja ndjen krenari që ka origjinën dhe folenë.Jam i bindur që pa ndihmën e kombit Tuaj ne nuk do ja kishim dalë mbanë.

Mirseardhjen time për Ju mik i kombit tim unë duke ju kërkuar ndjesë do ta nis me një kërkesë për kujtesë ;

– Për klasën politike që sot drejton vendin e shqiponjave.

Kujtojua pak se politikani është shërbëtor i kombit dhe qytetarit në kohë paqe dhe lufte. Kujtojua pak që sejcili nga ata është qytetar para se të jetë politikan.

Kujtojua se demokracia eshte liri,ndjenje,veprim,ligj dhe respekt. Si dhe kur politika dhe krimi ndajnë shtratin dihet që pjella është; korrupsion,pasiguri dhe krim.

Kujtojua se ndaj votës së lirë nuk duhet përdorur pushteti,shteti,paraja e krimit dhe krimi.

I nderuar Z. sekretar Jonh Kerry në funksion të detyrës duart tuaja do të takohen me duart e bijëve që vendit tim i kanë shkaktuar shumë dhimbje. Si ngarkoj me fajin e të djeshmes së etërve por me përgjegjësinë e dhimbjes së të sotmes PO !? Nëse “harruam” tmerrin e djeshëm të komunizmit s’ka pse të vijojmë të jetojmë dhimbjen e pa merituar të demokracisë.

Kujtojua Z. Sekretar që shërbimi ndaj një fëmije jetim, ndaj një invalidi, ndaj një të moshuari, ndaj një qytetari në nevojë apo në pamundësi ka më shumë forcë dhe vlerë se një konçesion ndaj një miku!? Më ndjeni shkëlqesi për këtë urim mirseardhjeje, por më detyron dhimbja e kombit Tim. E shkuara, e tashmja dhe e ardhmja Z. Sekretar. Mbi 200 mijë shqiptarë kanë aplikuar për të patur fatin të jenë qytetarë të kombit Tuaj, mbi 27 mijë të mitur kanë braktisur folenë e “ftohte” të familjes për të provuar fatin në rrugët e evropës, mbi 80 mijë qytetarë kanë braktisur vendin tim për të pranuar fatin me emrin emigrant.

A nuk është tejet e tepërt kjo dhimbje Z. Sekretar ?

Ju lutem jepi besim,shpresë dhe siguri këtij populli që admiron kombin Tuaj si askush tjetër.

Sinqerisht Osman Stafa, ish student i dhjetorit 90-të dekoruar me titullin “Medalje e Trimerise” Durrës më 13.02.2016