web counter
LEXO PA REKLAMA!

SHKARKO APP

App Store
Google Play

E fundit!

x

Oligarkët që Kerry nuk do donte t’i gjente në Tiranë/ Nga Patrik Sadikaj

12 Shkurt 2016, 17:08, Opinione CNA

patrik SadikajIshte një rrufe që ngjau se ra në qiell të hapur, ajo që sekretari amerikan I shtetit artikuloi diçka më shumë se një vit më parë për oligarkët e Ballkanit. Në Shqipëri ajo batutë e hidhët e zyrtarit amerikan u spostua tek fqinjët duke ndjekur teorinë e dhelprës me rrushtë se nuk ?bënte për ne?. Pra në atë kohë të gjithë politikanët shqiptarë, kandidatë për të qënë oligarkë thënë se Kery e kishte me Maqdoninë, Serbinë, Malin e Zi, Bullgarinë apo sidomos me Rumaninë. Ne e besuam këtë fabul të shqiptarëve oligarkë dhe ndenjëm në heshtje edhe kur kryediplomati amerikan I ra kryth e tërthor rajonit, por kufirin shqiptaro-shqiptar nuk e kaloi nga Kosova për të lënë ndonjë mesazh në Tiranë. U trishtuam se nuk erdhi, por u gëzuam pafund kur mësuam se do të vinte posaçrisht për në këtë të dielë dashurie në Tiranë. Ka rastisur se vjen për Shën Valentin. Shumë mirë sepse edhe ne do dimë ta presim plot dashuri ashtu siç dimë t?I nderojmë miqtë sidomos kur ata janë prej shumë largu.

Për të thënë se pse vjen Kerry në Tiranë, do sajonim të gjithë gënjeshtrën tonë. Ne qytetarët të parët. Do themi se vjen për të na bërë drejtësinë, për të na pastruar politikën e do na shpëtojë ekonominë. Gjë që normalisht nuk është e vërtetë. Politikanët do fillojnë të thonë sipas oreksit: Opozita do vrapojë ta lexojë si një shenjë që do çojë në rrëzimin e qeverisë. Nga ana e saj shumica do na e shesë si një shenjë e mbështetjes pa kufi të amerikanëve për qeverinë e 1001 reformave e konçensioneve. Disa politikanë të tjerë që janë diku në mes të tollovisë të demokracisë ?made in Albania? do vrapojnë në kërkim të një shpresë që më në fund dikush do na tregojë rrugën për kah të marrim drejtimin e të dalim nga udhëkryqi ku kemi vite që xhirojmë në vend.

Megjithatë ne aspak nuk e dimë se çfarë ka në valixhen e mendimeve në rrugëtimin e tij shqiptar sekretari Kerry. Mes tyre mbase nuk ka një listë me emra, por ama zyrtari I lartë amerikan një gjë e ka mëse të qartë. Disa prej atyre që do t?I gjejë në Tiranë duke ulëritur për drejtësi e luftë ndaj korrupsionit do të donte të mos I gjente. Ndoshta janë ata oligarkët për të cilët foli ashpërsisht pak kohë më parë. Dhe të jemi të sigurtë që në këtë vend të vjedhur mbarë e mbrapsht, me ligj e pa ligj të tillë ka shumë. Ata janë automatikisht, njerëzit me pushtet politik e ekonomik që do të duhej të kishin frikë nga ulja e avionit të ?State Department? në aeroportin monopol konçencionar të Rinasit. Se sa krisma do dëgjohen më pas, ambasadori Lu na sygjeron të presim marsin. Koha e fillimit apo mbarimit të oligarkive? John Kerry është një sinjal që duhet lexuar sidomos nga ata që brënda vetës nuk pranojnë se janë oligarkë. Rëndësi ka gjithashtu që Byroja e Hetimit dhe Reforma në drejtësi të mos jenë ashtu siç thotë Blushi? ?pakt reformash mes të korruptuarve?. Gëzuar Shën Valentinin, edhe atyre që zoti Kerry nuk do donte t?I gjente në Tiranë.





Lajmet e fundit nga