E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Nga Mero Baze/ Rasti, kur opozita do fitonte duke qenë “pro”

18 Nëntor 2015, 19:34, Opinione CNA

Vendimi për të hequr tërësisht tatimin mbi fitimin për bizneset e vogla, deri në një xhiro 50 milion lekë të vjetra dhe për të paguar 5 përqind për bizneset deri në 80 milion lekë të vjetra, ishte një vendim i fortë i kryeminstrit Edi Rama, i cili duket se e gjeti të papërgatitur opozitën. Së paku tri muajt e fundit, imazhi i qeverisë ishte bërë shumë represiv dhe projektligji për procedurat tatimore, e forcoi këtë imazh në publik. Po t?i shtosh kësaj dhe krizën ekonomike si dhe betejën kundër informalitetit që mbylli qindra qepena dyqanesh të vogla, të krijohej ideja se qeveria kishte hyrë në luftë me biznesin e vogël dhe opozita po e llogariste tokë të fituar elektorale mbështetjen ndaj tyre.

Vendimi i papritur i Edi Ramës, ishte tepër radikal dhe qartazi politik, pasi tërheq në skemën e formalizimit çdo biznes të vogël dhe ndërkohë shuan debatin politik rreth taksave të tyre.

Por si reagoi opozita në këtë rast?

Reagimi i Lulzim Bashës ishte ndoshta reagimi më jopolitik dhe qesharak që një forcë serioze politike, mund të bëjë në këtë rast. Ai akuzoi kryeministrin për ?vjedhje? idesh, dhe e sulmoi atë sikur të kishte pesëfishuar taksat, dhe jo sikur t?i kishte bërë zero.

Opozita e cila ka folur për një taksë 5 përqind për gjithë biznesin e vogël, duhet ta përshëndeste vendimin dhe duhet të theksonte faktin, që qeveria u ndikua në këtë vendim nga kërkesat e opozitës. Kështu edhe ja njihte meritën vetes, si faktor presioni në shoqëri, dhe njëkohësisht gjendej në krah të përfituesve të kësaj nisme, që janë qytetarët. Projekti i propozuar i opozitës, është 5 përqind taksë për çdo biznes të vogël nga 20 deri 80 milionë, çka është pak më i lartë se vendimi i qeverisë aktuale, por gjithsesi është një propozim lehtësues. Në kushtet kur rivali i tyre në qeveri i çon taksat në zero, për shumicën e biznesit, nuk është koha të bësh politikë me fjalë boshe, por të përfitosh nga diçka që u bë realitet. Dhe ajo që preket sot, është vendimi për të ulur taksat dhe jo se çfarë ka pasur ndërmend Basha të bëjë nëse vjen ndonjëherë në pushtet, përveç gjumit.

Problemi tjetër që ka opozita me fjalorin e saj politik, në raste të tilla, është mungesa e seriozitetit në rëndësinë e njëjtë që i jep dhe një oponence të tillë të rëndësishme siç është beteja për taksat e biznesit dhe një denoncimi rutinë që bën për çdo tender që lexon tek faqja e Agjensisë së Prokurimit Publik. Beteja për taksat në kushtet specifike që po kalon biznesi shqiptar, është thelbësor dhe opozita duhet të fokusohet me seriozitet në oponencën e saj në këtë pikë dhe jo të kthejë nga debat në ankesë, se ?i kanë vjedhur idetë?. Kjo jo vetëm që nuk lë gjurmë tek ata që dëgjojnë, por u duket dhe si protestë, përse qeveria ja ka bërë këtë favor biznesit të vogël.

Nga ana tjetër opozita ka plot vend dhe kohë të bëj oponencë, për efektet e vendimit, por nuk mund ta kundërshtojë atë në parim. Ajo mund të kritikojë rakordimin e Ministrit të Financave me kryeministrin në këtë pikë, voluntarizmin që dikton shpesh politikat fiskale, xhepat e reja që do kruhen për të balancuar buxhetin nga ky efekt si dhe plot probleme të tjera. Por në vend të merret me këto, opozita ka vënë kujën pse uli qeveria taksat, a thua, po ja heq nga xhepi Bashës dhe po ja jep biznesit. Në këtë pikë ose duhet të mbështesë qeverinë dhe ta kritikojë atë që nuk e ka bërë më parë, ose së paku të heshtë, siç bën Berisha.

Të ankohesh pse ju ulën taksat biznesit, pasi këtë e ke pasur ndërmend ta bësh ti nëse vjen në pushtet, është paksa dëshpëruese, pasi duket sikur u thua shqiptarëve, se shansi i vetëm i rikthimit në pushtet, është që qeveria të mos bëj asgjë pozitive, dhe të humbasësh mundësinë që dhe ti të jesh pjesë e një gjëje pozitive. Ky është nga ato raste kur kundërshtari luftohet, duke u bërë me të dhe jo duke i dalë kundër. Pasi kundër tij, në këtë rast je kundër gjithë atyre që do ti gëzohen biznesit të vogël, me zero taksë deri në 50 milionë lekë të vjetra. Dhe ata nuk janë pak!