Era, një foto banale dhe Ilir Meta

10 Tetor 2015, 16:33, Aktualitet CNA

*Elvi FUNDO

Një foto qarkulloi në rrjetet sociale, ku vajza e kreut të LSI-së, Ilir Meta, se bashku me të atin në stadium ndiqnin ndeshjen. Me tej foto tallet dhe bën ironi, por haron që po përdor si personazh një femijë. Komenetet ishin nga më të turpshme, urrejtja politike mbështillej mbi një femijë, thua se ajo është fajtorja për gjithcka.

Së pari, unë hyj tek ata njerëz që besojnë se Ilir Meta, është përgjegjësi kryesor për katastrofën dhe problematikat e Shqipërisë. Më gjatë në pushtet se Berisha, sot, dje dhe nesër po mos jetë vonë ai është njeriu që ka marë peng këtë vend. Zullumnet e tij fillojnë që në ditët e kur shiti Majkon për karrigen e tij. Më tej me dhunën, terrorin dhe vjedhjen e zjgedhjeve në 2001. Më pas me largimin nga PS, pasi donte të placke ku të mundej e si të mundej. Më tej me LSI, aleancën me Berishën. Blloku i tij i famshëm dhe 21 janari janë përgjegjësi totalisht e tij personale. Historitë me akuza për vrasje dhe së fundi afera ÇEZ, janë ato që na bëjmë ta gjykojmë këtë individ si pjesën e korruptuar dhe të kriminalizuar politike, por që shqiptarët vetëm i shtojnë votat. Unë dhe shumë kolegë e dinë mjaft mirë kush është kreu i Kuvendit, i cili mund të ketë pasiuri pa fund, ndoshta dhoma me lekë por kjo nuk i jep të drejtën askujt ti cenojë fëmijën e mitur dhe të abuzojë me foton e saj.

Së dyti, që Era ishte në stadium ishte mbarësi dhe sa më shumë vajza, fëmijë të rriten në stadium më dashurinë për sportin, i japin atij shkëlqimin që i mungon. Era me një telefon apo paisje elektronike për të luajtur publikohet në foto me komente të rrjetet socale. Ilir Metës kemi të drejtë ti themi cfarë mendojmë dhe si e mendojmë. Ai mer rrogën nga taksat tona, por jo vajzën e tij të vogel. Nuk mund ta prekë kush qoftë edhe për benefite politike dhe mastrurbim psiqik në rrjetet sociale. Era për mua ishte zbukurimi më i rrallë që kishte ai stadium, së bashku me çdo fëmije tjetër.

Nuk ka përgjegjësi Era për Ilir Metën. Ajo e ka prind dhe e do si të tillë. Fajin se ka Era për fatkeqsitë apo akuzat që ne përmendim në media çdo ditë për babain e saj. Ajo ska faj se ka një telefon apo lojë elektronike në dorë, ajo ska asnjë përgjegjësi për bëmat dhe gjëmat e të atit. Po është ai që ka përgjegjësi që mijëra fëmijë janë më të varfër sot, që nuk kanë mundësi të kenë një lojë në dorë si Era, por ajo ska asnjë faj, dhe përdorimi i saj në foto me komente është më shumë se kriminale.

S?ja u ka fajin Era, por votat që Ilir Meta mbush, ble dhe gjen në kuti. Era është fëmijë, përgjigjen dhe sulmet i meriton Ilir Meta, por kurrë femija i tij minoren.

Era, zbukuroi atë tribunë aq të shëmtuar me politikanë dhe pseudo tifozë, ajo ishte tifozja e vërtetë e ndeshjes. Shpresoj dhe besoj që ajo dhe shumë të tjerë fëmijë, vajza, gra dhe të rinj të jenë pjesë e stadiumeve tona, për të ulur banalitetin që i ka pushtuar dhe shëmtinë e tribunave politike që i ka mbuluar./*citynews