INTERVISTA/ Saimir Tahiri: Koalicioni temperaturë të ndryshme sipas kohës

10 Tetor 2015, 09:36, Aktualitet CNA

Ministri i Brendshëm, Saimir Tahiri, thotë se nuk ka asnjë krisje në koalicionin PS-LSI.

Duke folur për emisionin ?Kapital? në Vizion Plus, ai hedh poshtë edhe aludimet, se LSI kërkon largimin e tij nga Ministria e Brendshme.

Koalicioni i Partisë Socialiste dhe Lëvizjes Socialiste për Integrim, një konsideratë tuajën si pjesë e kabinetit, si funksionon ky koalicion?

Nëse do t?i marrim njëri-tjetrit kohë dhe publikut për t?i shpjeguar mënyrën për të kuptuar eficencën e qeverisë e ministrave dhe koalicionit duhet të biem dakord që një koalicion nuk matet nga temperatura apo niveli i deklaratave. Koalicioni materializohet me forcën e vet politike në akte në veprime parlamentare në aksione të përbashkëta në legjislacion të miratuar, në reforma dhe në këtë kuadër hajde ulemi dhe e shohim se si funksionon ky koalicion dhe për mendimin tim funksionon ashtu siç i kemi premtuar qytetarëve që do të punojmë për ta nxjerrë Shqipërinë një herë e mirë nga llumi i të shkuarës.

Megjithatë deri para pak ditësh pati një përshtypje në popullatë që koalicion pati një krisje të pariparueshme?

Edhe kjo ha debat sepse varet nga perceptimi i përgjithësuar por nëse do u rrish deklaratave, ato kanë qenë mjaft të qarta nuk ka krisje koalicioni, nëse nuk i qëndron strikt, por e interpreton nuk ka asgjë të keqe të ketë deklarata, që kanë temperaturë të ndryshme sipas kohës. Fuqia që ka ky koalicion për të ndërmarrë reformat që jemi angazhuar para qytetarëve kjo është eficencë e koalicionit. Pastaj histori të takimit të Ramës me Metën, hyri në zyrë apo doli mendoj që nuk më interesojnë as mua as publikut. Publikut i intereson sjellja e koalicionit në mbështetje të reformës së ekonomisë. Mbështetja e koalicioni për luftën e informalitetit. Aktet që ndërmerr koalicioni për të ndërmarrë projekte të caktuara. Mbështetja që jep koalicioni për policinë në luftën kundër drogës dhe reformat në siguri, mbështetja e koalicionit për reformën territoriale që shënon një kapitull të ri në Republikën e Shqipërisë, mbështetja për reformën e dekriminalizimit. Edhe ju keni një rol të vyer për të caktuar një indikator për publikun për matjen e koalicionit që nuk matet me sa herë takohet Rama me Meten, me kë takohet po pse takohen apo çfarë prezumohet që i tha. Publiku duhet të mësohet të ketë një matje të vërtetë analitike të arritjeve ose mosarritjeve të çdo përfaqësuesi.

Ju zoti ministër keni qenë në krye të deklaratave si një person i padëshiruar nga aleati yt, sepse dikasteri që ju drejtoni ka lënë të rrjedhin informacione që dëmtojnë aleatin tuaj?

Këtë nuk e kisha dëgjuar, po edhe në rast se është, nuk duhet të ushqejmë telenovela, që nuk janë as të nevojshme për publikun.

Ka patur spekullime se ju do kaloni në postin e ministrit të Drejtësisë. Ka patur ndonjë projekt të tillë?

Media krijon hamendësime dhe duhet të pyetem unë dhe kryeministri për hamendësimet tuaja që nuk janë asgjëkundi. Tani si më ftoni të përgjigjem për një gjë që nuk ka kurrkund lidhje me punën që bën qeveria me punën që bën kryeministri me angazhimin që ka ndërmarrë koalicioni me forcat politike që ky koalicion të jetë më efektiv dhe më i shpejtë në reformat që ndërmerr, më konkluziv në rezultatet që prekin direkt qytetarët. Ju më ftoni për diçka që nuk ka kurrkund lidhje me qytetarët. Duhet të ndani diçka, koalicioni funksionon mjaft mirë të fuqia politike për të ndërmarrë reforma dhe për t?i çuar ato deri në fund dhe për të mbyllur një kapitull të Shqipërisë me vjedhje me korrupsion me mungesën e ndihmës sociale me mungesën e zhvillimit ekonomik etj. Ky është efektiviteti i matshëm i koalicionit dhe nuk besoj se keni parë raste kur koalicioni ka patur diferenca në mendime që është e natyrshme të ketë por që të kenë qenë të pazgjidhshme. Nëse ju kërkoni që brenda koalicionit mos të ketë dallime në vizion kjo është e tepërt nuk ndodh në asnjë vend. Por ekziston mënyra dhe forca për të kaluar çdo dallim në mënyra apo vizione për çështje që kanë të bëjnë me qeverisjen e vendit.

Javën e fundit janë pakësuar lajmet për asgjësimin e lëndëve narkotike çfarë ka ndodhur?

Kjo ka të bëjë me ciklin biologjik të bimës pasi siç thonë ekspertët tani nuk ka si të mbillet më. E kemi studiuar nga ajri e nga toka. Kemi bashkëpunuar edhe me Universitetin e Napolit për të përcaktuar veçoritë biologjke që sjellin sjelljet kriminale. Pra kjo është një pjesë shkencore jo merre një punonjës policie dhe çoje të shkatërrojë bimën. Në 2013 kam marrë detyrën dhe kam gjetur në zyrë hartat e Guardia Di Finanzias me 324 hektarë të mbjella në Shqiqëri ku policia kishte shkatërruar 7%. Me këto harta nuk ishte bërë asgjë as nuk ishte marrë njeri, zero. Dhe rekordet me të këqija të rekordeve të drogës i ka Luli dhe Muli. Janë dy figurat më ekzemplare të dështimit të policisë në luftën e ndaj drogës. Dhe kjo shpjegohet qoftë me njërin, qoftë me tjetrin. Njëri kishte mendje të anashkalonte prokurorinë duke bërë si i sëmurë, tjetri aq e ka, s?ke ç?i bën. Në 2013 ishin 300 hektarë nga të cilët ishin shkatërruar 7% në vitin 2015 janë 8 herë më pak të mbjella. Nuk po e them që e kemi shkatërruar të gjithën është e pamundur, por me avion ne fotografojmë të gjitha zonat me rrezik dhe shkatërrojmë çfarë të mundemi dhe nga 44 hektarë të evidentuara kemi shkatërruar 99.4 %. Kjo vjen nga fotografitë pasi i fotografojmë në fillim, i shkatërrojmë dhe i krahasojmë, sepse mund të kemi edhe policë të lidhur me botën e krimit. A e dini ju sa efektivë policie janë arrestuar para viti 2013. Janë më pak se gishtat e dorës. Ju them unë që nga dita që kam marrë detyrën janë mbi 2000 efektivë policie në procedura penale, do të thotë ose procedim në gjendje të lirë ose të arrestuar për abuzim me detyrën shkelje të të drejtave të njeriut dhe lidhje me botën e krimit të cilët janë para drejtësisë. Janë 2100 që i bie rreth 18 % e gjithë trupës së policisë. Që tregon se si e gjetëm policinë e shtetit, katastrofë por edhe vullnetin tonë për ta përmirësuar. Si ka mundësi që këto banda nuk i luftonte qeveria e kaluar, sepse i shfrytëzonin. Dhe opozita përsëri na akuzon në kur arrestojmë drejtues të policisë. Pse na akuzojnë ne? Ne e arrestuam vetë, ne nuk erdhi të na e arrestonte Nato, e arrestuam vetë, çka tregon vullnetin tonë për ta luftuar. Tani si mendoni këta që i kishin aty dhe nuk i arrestonin ishin më të mirë që na akuzojnë ne?