Dokumenti, Basha nxjerr udhëzimin/Ja si do bëhet analiza, braktiset baza

10 Tetor 2015, 08:58, Aktualitet CNA

Kryetari demokrat Lulzim Basha ka fitmosur dhe nxjerë udhëzimin për analizën që do bëjë Partia Demokratike në bazën e saj.

Në udhëzim jepet qartë dhe më pika se cila do jenë pikat e analizës dhe kush do jetë pjesë e saj. Udhezimi thekson se analiza do behet në mbledhjen e kryesisë të degës, duke anashkaluar seksionet dhe grupseksionet. Vetem sekretarët e grupseksioneve do jenë të pranishëm në analizë.
Nuk do ketë analizë në cdo seksion të Partisë Demokratike por vetëm në kryesinë e degës, e cila në fakt në shumicën e rasteve është edhe përgjegjësja kryesore që ka peshën e humbjes. Pra analizën do e bëjën ata që shpartalluan bazën e PD-së, e cila përjashtohet nga kjo analizë.

Më tej udhëzimi flet për raportin e kryetarit dhe sekretarit të degës. Raportin do e shkruajnë vetë përgjegjësit e humbjes, më pas ajo do lexohet në kryesi, ku do jenë të pranishëm edhe të deleguartit dhe grupi I punës. Përgjegjesinë për analizën Basha e ka cuar tek dy nënkryetarët Edi Paloka dhe Edmond Spaho si dhe Sekretari i Përgjithshëm Arben Ristani, këta të tre janë personat që do shkojnë bashkë me grupet e punës në çdo degë.

Më tej kërkohet që të aalizohet organizimi i antarësisë, si pjesmarja, angazhimi në terren, funksionimi i departamenteve, që në shumicën e rasteve nuk ekzistojnë fare në degë, janë thjesht formale.

Kërkohet të ketë analizë edhe për udhezimi 2 qëndrimin e drejtuesve lokalë që mund të kenë bërë fushatë për partitë e tjera, prania e FRPD dhe LDG. Dy strukturat partnere, e para totalisht jashtë funksionit e dyta më prezente në këtë fushatë.

Më tej udhëzimi kërkon edhe analizën e administrimit të zgjedhjeve, listat, problematikat e tyre, sigurimi I komisionerëve, manipulimetsi dhe ecurinë e procesit në terrësi.

Ky udhëzim kërkon që drejtuesit e degës raportin sipas pikave të kërkuara ta paraqisin në qendër brenda dy ditëve.

Mësohet se Basha ka miratuar edhe grafikun e analizave në degë e cila pritet të përfundojhë brenda 30 tetorit./citynews