E fundit!

13:13 Opinione Eduard Halimi

Si ta kuptojmë atë që po ndodh në Aeroportin e Vlorës?

Si ta kuptojmë atë që po ndodh në Aeroportin e Vlorës/ 7 K...

Përse “Dita” ka filluar fushatën kundër Sajmir Tahirit?

29 Gusht 2015, 18:10, Aktualitet CNA

Më në fund ka përfunduar faza e sulmeve episodike dhe gazeta e majtë ?Dita? ka nxjerrë artilerinë e rëndë kundrejt ministrit të Brendshëm Saimir Tahiri. Pra nuk janë më lajmet për hotelin e shtrenjtë ku ka pushuar në Korfuz, ato për pilotin e helikopterit gjerman që është ndaluar në Dhërmi, apo ato për policët që përdor si postierë.

Sot në një analizë dy faqe të gjatë ?Dita? ka kërkuar as më pak dhe as më shumë largimin e tij nga posti. ?Me sa duket pesha e Ministrisë së Brendshme është më e madhe sesa hallet që mund të mbajnë shpatullat e ngushta të zotit Tahiri?, konkludonte sot analiza e gazetës. Përgjatë saj vihen re disa detaje interesante.

Së pari në faqe të parë tahiri është paraqitur sikur vadit një vazo me hashash (foto). Nënteksti është i qartë. Madje ai del edhe në formën e pyetjeve retorike në shkrim: ?Pse hashashi u përhap gjithandej në veri dhe në jug? Pse policia nuk e ka territorrin nën kontroll? Pse është shndërruar Tepelena në mbretëri të kanabisit? Pse aksioni në Lazarat nuk shërbeu si shembull?, jana disa nga pyetjet që ngre gazeta.

Së dyti gjuha që përdor gazeta e majtë është e ngjashme me gjuhën që përdor Berisha dhe PD-ja. Ajo tallet me ?shprehjet e trendit halabak: ?Bravo çuna?, ?Bravo goca?, ajo ironizon me ministrin që e merr veten për Xhovani Falkone, ajo e quan policinë një të sëmurë të madh dhe e akuzon ministrin për personalizim të punës.

Së treti ajo që bie në sy si në rastin e talljes me shprehjen ?Bravo çuna? ashtu edhe me kritikat më serioze sipas të cilave në polici nuk janë bërë reforma por vetëm arrnime, që drejtuesit e saj përdorin të njëjtat metoda si ata të 23 qershorit, që shefat e policisë visheshin në 3 të mëngjesit me uniforma të reja për tu përdorur si sfond politik,- pra ajo që të tërheq vëmendjen,- në këto kritika, është fakti se ato janë artikuluar shumë kohë më parë nga kundërshtarët e Tahirit. Atëherë pyetja që lind është e thjeshtë: përse po e sulmon Dita, Tahirin?

Një burim i afërt me ministrin e Brendshëm thotë se shkak janë mosmarrëveshjet e pronarëve të gazetës me numrin një të rendit. Sipas tij ato kulmuan me ndalimin e helikopterit që fluturonte mbi vilën e Ramës në Dhërmi dhe që u përkiste pikërisht atyre. Po a mund të jetë një episod kaq banal, shkak për një fushatë kaq të fortë?

Kjo mbetet të shikohet. Ajo që është e sigurtë është se tentativa e kryeministrit Rama për të mbyllur në paqe marrëdhënien me gazetën, të cilës i ?dhuroi? një intervistë të gjatë ekskluzive, menjëherë pas fillimit të sulmit ndaj Tahirit, nuk rrezultoi e suksesshme. Dita e rriti dozën e sulmeve.

E përditshmja e majtë po e sulmon ministrin e qeverisë që mbron me artilerinë e argumentave të Berishës dhe me sa duket lufta do të jetë e gjatë. Jo vetëm për helikopterin e Sevasterit. (Lapsi.al)