Vlorë / Konferencë ndërinstitucionale për pronat

29 Gusht 2015, 09:14, Aktualitet CNA

Në Vlorë po zhvillohet ditën e sotme konferenca ndërinstitucionale për pronat.

Në këtë konferencë janë të pranishëm, Kryeministri i vendit, Edi Rama, Drejtoresha e AKKP, Sonila Qato, Prokurori i Përgjithshme, Adriatik Llalla , Policia e Shtetit dhe Avokatura e Shtetit.

Në këtë takim është nënshkruaar marrveshja ndërinstitucionale për pronat.

Drejtoresha e AKKP-së në fjalën e saj ka theksuar se abuzimit me prona i ka ardhur fundi.

?Stafi i AKKP-së konstaton raste të tjetërsimit të pasurisë së paluajtshme me anë të falsifikimit të dokumenteve, duke synuar pëfitimin në mënyrë të padrejtë. Shumë prej rasteve të konstatuara mbartin dhe elementë të veprave penale. Një pjesë e tyre edhe pse procedurialisht janë parashtruar për shkak të realizimit të tyre kohë më parë vazhdojnë të sjellin anomali. Ky problem shfaqet dukshëm dhe në çështjen e regjistrimit të tyre dhe transaksionit të fituar në mënyrë të paligjshme. Jemi të vendosur të çojmë deri në fund zbardhjen e padrejtësive me pronën. Abuzivizmit me çështjen e kthimit dhe kompensimit të pronave i ka ardhur fundi?, është shprehur Qato.

Ndërsa Prokurori i Përgjithshëm, Adriatik Lalla u shpreh se marrëveshja synon kthimin e ligjshmërisë në të drejtën e pronave.

Kryeministri Rama ka folur për problemet me pronat dhe gjëndjen kaotike që e kanë gjetur Shqipërinë.

?Kemi trashëguar një vend me probleme kaotike për pronat.Ky proces i zvarritur për vite të tërë. Shqipëria nuk do të jetë vendi ku grabisin fallsifikatorët.Vlora ka shumë probleme me pronat. Është abuzuar dhe vjedhur në një sistem që ka mbrojtur fallsifikatorët. Ne do ti japim fund kësaj situate pasi do ti sulmojë fuqishëm. Do t?ia kthejmë tokën pronarit të vërtetë?.