E fundit!

15:27 Aktualitet

“Në kartelet e Ekuadorit ka edhe shqiptarë”/ Artan Hoxha zbulon lidhjet e fshehta të kokainës

Gazetari Artan Hoxha ndau sot detaje të shumta mbi të asht...

Rama tregon bilancin e arritjeve në Samitin e Vjenës

28 Gusht 2015, 10:54, Aktualitet CNA

Kryeministri Edi Rama, ka folur për samitin e Vjenës duke treguar të gjitha projektet e reja dhe investimet që shteti Shqiptarë ka marrë nga këto takime.

Ai ka rradhitur investimet më të rëndësishme rajonale për të cilat shtetet e BE-së do të ndihmojnë me financimet e tyre.

KM ka cilësuar si investimet më kryesore Korridorin e Kaltër ose ndryshe autostradën Adriatiko-Joniane dhe autostradën Nish-Prishtinë-Durrës.

Deklarata e plotë e Ramës:

?Procesi i Berlinit në Vienë bëri një bilanc të plotë të arritjeve politike dhe të punës intensive njëvjecare për të përcaktuar projektet rajonale dhe prioritetet e zhvillimit të tyre. Korridori i Kaltër ose ndryshe autostrada Adriatiko – Joniane si edhe autostrada Nish – Prishtine – Durrës do te nisin nga puna me projektet në bashkëpunim me Bankën Europiane për Rindërtim dhe Zhvillim; nje arritje e bukur e përpjekjes sonë që Shqipëria e shqiptarët të fillojnë të marrin frytet e merituara në këtë proces. Po ashtu u sigurua financimi për linjën e interkonjeksionit me Maqedoninë që së bashku me linjen e intekonjeksionit me Kosoven, zhvillojnë në drejtimin e duhur sistemin tonë elektroenergjitik. Gjithashtu u mbështetën plotësisht dy propozimet tona strategjike lidhur me Unionin Ekonomik, për të cilin do te nisim bashkarisht punën bashkë me Serbinë për të rrëzuar të gjitha barrierat tarifore e burokratike që pengojnë krijimin e një zone të përbashkët tregtare në Ballkan, si edhe do të punojmë po së bashku me Serbinë për të themeluar Bankën Rajonale të Zhvillimit me mbështetjen teknike të Bankës Europiane për Rindërtim e Zhvillim; në të dyja këto nisma do të synojmë gjatë këtij viti përfshirjen në proces të të gjitha palëve. Po ashtu, çelëm një dialog shumë të dobishëm me palën gjermane për të siguruar bashkëpunimin në zgjerimin e forcimin e rrjetit të shkollave profesionale në Shqiperi si edhe punësimin e rregullt të të rinjve shqiptarë në Gjermani. Keto e të tjera rezultate të këtij procesi përbëjnë një arsye të fortë për t’u ndjerë shumë të inkurajuar në përpjekjen tonë serioze për rritjen e ekonomisë e të mirëqënies së vendit po edhe të rajonit tonë ?#?DrejtimiDuhur“, shkruan Rama në “Facebook”.