E fundit!

16:49 Politikë

Detaje nga mbledhja e demokratëve/ Këshilli Kombëtar i PD-së zgjedh Kryesinë

Këshilli Kombëtar i Partisë Demokratike do të konstituohet...

Ju thoni horrave nuk jemi grekë, por ORTHODHOKSË Shqipëtarë

27 Gusht 2015, 12:23, Aktualitet CNA

Plasën cdo gjë ta bëjnë gjoja nacionalistë, plasën mediat me vrap. Greku, Kryepeshkopi, ankesat, zhurmë, janë grekë, nuk ishte kishë.

Po u mund tju thotë kush horrave që flasin e pëllasin se: Në Shqipëri ka Orthodhoksë SHQIPËTARË, janë që kur kanë lindur këto troje këtu. Po janë edhe ata që i zgjoi nga varri shkatërrimi i një kishe në Dhërmi, Imzot Noli, Papa Kristo Negovani e qindra e qindar klerikë. Janë ata që u burgosën dhe u masakruan për besimin në Zot. U shkundën të gjithë. Pse? Sepse Koco Kokëdhima do të bëjë obelisk, pas një ëndre të një natë verë, pasi shtjelloi cështjet e canabisit u hodh tek kisha.

Po, ju thoni horrave se, unë, ai, ajo jemi orthodhoksë, SHQIPËTARË, Kisha Orthodhokse është e Shqiptarëve jo e horrave që cfarë nuk po thonë. Po orthodhoksë shqipëtarë, nga Dardha, nga Voskopoja, nga Zicishti, nga Korca, nga Përmeti, nga Berati, nga Fieri, nga Durrësi, nga Vlora, nga Elbasani, nga Shkodra, nga gjithë Shqipëria.

Po ne jemi orthodhoksë dhe reagojmë se një Kishë u prish, u prish për qejfe politike. Po u prish dje pas gati 50 vitesh, hija e Enverit u kthye. Me gjoja terma nacionaliste nga disa delirantë dhe pushtetarë megallomanë.

Nuk nuk jemi grekë, nuk jemi maqedonas, as Sërbë, jemi si ju dhe këta që përmenda sot i kemi aleatë jo armiq. Me Greqinë jemi në NATO, me Sërbin po ha, pi dhe bën politike kreu i qeverisë, Gruevski i bën gola BE-së. Në ende themi janë ca grekë, jo shqiptarë.

Jo ore jo jemi shqiptarë, ajo është Kisha jonë dhe ne mbrojmë një të drejtë. U shëmb një kishë pa marë leje, pa biseduar, pa pasur një projkt tjetër, vetëm sepse dikush do të gërmojë për thesare që i dalin në ëndra dhe fanmtazma, apo dikujt tjetër që i dalin djajtë e politikës.

Ju thoni horrave nuk jemi grekë, por OTHODHOKSË shqipëtarë, që e duam këtë vend ndoshta edhe më shumë se ju, që nuk kiemi frikë të ngremë zërin apo ti mbajmë iso një akti criminal që dhunon një object kulti. PO jemi orthodhoksë shqiptarë dhe kështu do reagojmë edhe po shkuan tek dera ne xhamisë apo teqesë. Ne jemi shqiptarë orthodhoksë, jo delirantë ateistë që bëjnë si orthodhoksë apo muslimanë, bllokojnë xhamitë e shkatërrojnë kisha.

Ne jemi orthodhokse, ata qe prishin kisha e xhami, dhe bejne politike pseudo nacionaliste, jane vetem horra

Elvi FUNDO