E fundit!

07:31 Sociale

Rriten temperaturat/ Moti për ditën e sotme

Kjo e shtunë do të karakterizohet nga mot kryesisht i kthj...

Pseudo nacionalizëm qeveritar për shkatërrimin e një Kishe

27 Gusht 2015, 07:59, Aktualitet CNA

Së pari për të bërë një analizë sa më të saktë duhet të shmangim cdo kontekst pseuodo nacionalist të fryrë ditët e fundit ngritur si tymnajë ndaj fakteve që janë shumë kokforta.

Gati 10 ditë më parë, gazeta Shekulli e Koco Kokëdhimës, super deputetit të Jugut, fillloi disa intriga dhe mashtrime për të kthyer vëmendjen tek kisha orthodhokse. Kujtoj, shëndeti i Janullatos, mblidhet Sinnodi etj. Kisha përgënjeshtroi gjithcka edhe në lidhje me shëndetin e kryepiskopit Janullatos edhe të mbledhjeve të ndryshme.

Më pas menjëherë u tha se do shembej një ndëtim pa leje në Dhërmi, që ne fakt nuk u permend si Kishë. Fotja e parë tregon ambientet e brendshme dhe tregon se atje ka ikona dhe është një vend i shënjtë për banorët.

kisha shermi 2 Ai objekt ishte ndërtuar nga besimtarët në vitin 1990, nuk i përkiste as grekëve dhe as kinezëve, por besimtarëve Orthodhoksë.

Më tej u tha garazhd, lavazh dhe ngrehinë, pa leje e pa pronar. Fotoja e dytë tregon pronësinë e objektit, dhe nga të gjitha pamjet e transmetuara, ai ishte një ndërtim mbi disa rënoja, ashtu sic ka Kishëza të ngritura nga vete banoret, te pa rikonstruktuara apo të pa rindëtuara. Shqipëria ka ende nën rënoja dhjetra Kisha e Xhami kudo.

Pasi doli dokumenti i pronësisë dhe Kocoja filloi të fliste për një klerik të vjetër, që ishte atdhetar dhe eshtrat i shihte poshtë Kishës, duhej prishur objekti, të gjendeshin eshtrat dhe do behej Kishë e re. Në fakt më pas rezultoi se varri i tij nuk ishte atje, prona ishte e Kishës, dhe as Kocoja ndhe askush nuk mund të ndërhynte. Natën u ndërhy dhe u shemb objekti me pretendimin pa leje dhe do e bëjmë më të bukur.

Pseudo nacionalizmi i fryrë nga mediat pro qeveritare dje kapi kulmin dhe ja ariti qëllimit. Kisha u quajt Greke, të ikë Janullatosi, pse foli PD-ja ajo e ka fajin dhe të tjera mentalitete arkaike që i përkasin kohës të Dum Babës, asaj që vërtet përfaqëson fatkeqsisht sot kryeministri Rama.

Së pari Kisha nuk është Greke por Shqiptare, orthodhokset i kane dhene ketij vendi shume, dhe vazhdojne te japin. Dje u quajten greke, tradhetare, hiqni Janullatosin. Pse? Sepse keshtu kerkon te fshihet kryeministri nga hallet e dhe problemet e vendit. Njerzit skane buke dhe jane ne mjerim, problemi na qenka Kisha? Ky eshte sharlatanizem ne fakt.

Nuk përbën rrezik Kryepeshkopi 86-vjecar, por mentaliteti dhe cmenduria e një 50-vjecari, ne krye te qeverise. Cfare do na thote dhe si do sillet kryeministri ne rast se Kisha Orthodhokse nuk do i shkoje ne asnje aktivitet qeveritar? Apo do coje Koqon per sqarim, pasi ka shembur nje Kishe?

Një nacionalist i mirë qe gjoja pretendon Rama apo shpura e tij, është ai që i shërben vendit, punon për vendin, ve një tullë në vendin e duhur, nuk e vjedh, nuk e grabit, nuk e varfëron, nuk e shkatërron. Cfarë vlere ka nacionalizmi ku je thjesht fasadë dhe pjesë e një politike të fëlliqur që e përdor për ca vota më shumë në kuti? Apo më keq akoma kur shikon se varfëria, mjerimi, papunësia, krimi politik, korrupsioni po gryejnë dhe shkatërrojnë vendin, si zgjidhje që të heqësh vëmendjen gjen një Kishëz me 4 mure në Jug të vendit.

Ligji shqiptar e lejon qeverinë të ndërhyjë kur është Monument Kulture, për restaurim, që ajo Kishez nuk ishte. Pra ska asnjë të drejtë ligjore të ndërhyjë në një objekt kulti, ne fakt e shembi.

Ku u konstatua ndëtime pa leje? Në fakt ai ndërtim është i fotografuar nga ALUIZN-I që në vitin 2008 dhe sipas banorëve është prej me shumë se 20 vitesh. Na ngeli nje Kishez 3 me 3 m2 problem ndërtimi, ndërkohë që BISHAT me 20 kate ku 10 i kanë pa leje janë cdo metër rrugë të Tiranës.

Pse nuk ndërtohej e re? Atë e vendos Kisha, sipas programit të saj e jo kryeministri. Zoti Rama gënjeu me pronësinë, genjeu me garazhdin, pastaj në fund nxori një murg a prift katolik që mund të ketë eshtrat në rënoja apo do e rivarosë aty. Në rast se ka eshtra dhe kërkohen nga Katoliket, këtë e zgjidhin klerikët me negociata apo marrveshje. Për objektet ka dokumenta pronësie, dhe aspekte të tjera ligjore si mund të zgjidhen. Nuk fut turinjtë shteti me fadroma. Dëshmi e gjallë janë vetë banorët e zonës. Nuk ka zgjidhje partizançe, sic i pelqen kryeministrit. Po pse do marim varetë dhe do prishim xhamitë e ndërtuara mbi rënojat e Kishave? KURRË JO DHE JO. Shqiptarët nuk mund të kenë erësirën dhe ligësitë që Rama ka në mendje dhe shpirt.

Në fund dua të theksoj se Kisha u shemb nga një delirantizëm dhe vendim idiot i Kocos dhe Ramës. Që sot ka sjellë një debat dhe dhe nxitje të përcarjes fetare. Gjithcka e stisur ne paradhomën e Ramës dhe ekzekutuar nga mediat pro qeverisë. Fatkeqsisht ato për të mbuluar të vërtetën ngerenë frymën nacionaliste pa sqaruar opinionin se veprimi ishte një aventurë inatcore. Vetë fotot dhe faktet hedhin poshtë cdo pretendim të qeveritarëve e medias pro tij. Ato tregojnë pronësinë e vendit dhe në këtë rast i pëlqen ose jo kryeministrit, ai ka goditur me fadromë, le ta quaje si të dojë ?garazhd, ngrehinë?, ai është një vend në pronësi të Kishës. Brenda kishte Ikona dhe banorët e zonës e kishin vend të shenjte, i bukur apo i shëmtuar në fasadë?..

Cdo argument te Rames si garazhd apo ngrehine, tani nuk e beson askush. Faktet flasin nje e nga nje, historite, xhelozite inatet dhe kapricot nuk zgjidhin asgje. Sot kemi nje fakt te ri, pas vitit 1967, u shemb nje objekt qe i perkiste komuniteteve fetare. Armiqte jane te gjithanshem. Nuk duket qe kreu i qeverise te kete ndonje ndryshim nga Haxhi Qamili.

Vertet i majfton kryeministrit Rama, miqesia me Koco Kokedhimen, per te bere armiq gjithe dynjane, edhe komunitetet fetare.

Elvi FUNDO