web counter
LEXO PA REKLAMA!

SHKARKO APP

App Store
Google Play

E fundit!

x

Jozefina Topalli: Kjo qeveri inkurajon dhe mbeshtet krimin

28 Gusht 2015, 08:19, Aktualitet CNA

Jozefina Topalli thotë se se të djathtët nuk duhet të presin zgjedhjet e 2017­ës për të rrëzuar qeverinë e drejtuar nga Rama.

Kjo, pasi sipas Topallit, kjo qeveri është armiqësore ndaj popullit të vet.

?Në gjykimin tim, vendi sot po kalon një moment të vështirë.

Nuk ka ndodhur kurrë në këto dy dekada e gjysmë demokraci që një qeveri të jetë kaq armiqësore me qytetarët që e kanë zgjedhur.

Realiteti kalon kësaj radhe çdo imagjinatë.

Kush e mendonte para disa vitesh se në Kuvend, në atë që konsiderohet shtëpia e shqiptarëve, sovrani të përfaqësohej nga njerëz me rekorde kriminale për vrasje, për trafik të qenieve njerëzore, për trafik droge, për grabitje?!

Kjo nuk ka ndodhur në asnjë kohë, në asnjë vend demokratik!

Sot ky është realitet.

Kjo qeveri është ndërtuar si model dhe inkurajim për kriminelët dhe ?të fortët? me para për të aspiruar të njëjtat pozita pushteti, por pse jo, dhe më shumë?, thotë Topalli në një intervistë për ?GSH?.

Topalli thotë më tej, se është e turpshme që Marrëveshja për Dekriminalizimin e politikës, e arritur me ndërmjetësimin europian dhe e miratuar në Parlament në 24 dhjetor 2014, ka mbetur në letër dhe pengohet nga qeveria.

?Afati për zbatimin e marrëveshjes duhej të ishte 30 qershori, por është fakt se Edi Rama kandidoi në zgjedhjet e pushtetit lokal trafikantë droge dhe prostitutash.

Përveçse fyese dhe poshtërim për çdo shqiptar, siç thotë ambasadori amerikan, ky është një akt sfidues e mospërfillës për shqiptarët dhe ndërkombëtarët.

Është dëshmi e vendosmërisë së kësaj qeverie për të inkriminuar në çdo qelizë shtetin shqiptar, me qëllim për të ruajtur dhe për të rritur me çdo formë pushtetin dhe pasurimin e paligjshëm.

Për mua është e qartë se Edi Rama nuk ka vullnet politik për dekriminalizimin?, shprehet ajo.





Lajmet e fundit nga