E fundit!

19:46 Aktualitet

Me thirrje e simbole kuqezi/ Protestuesit zhvendosen drejt Kryeministrisë

Mijëra qytetarë që janë mbledhur sot në qendër të kryeqyte...

Qeveritarë të lartë të implikuar në trafikun e drogës/ Kush i fiku radarët e Mimi Kodhelit

29 Gusht 2015, 07:53, Aktualitet CNA

Pse radarët e Ministrisë së Mbrojtjes (Mimi Kodhelit) fiken sa herë avionët e drogës kalojnë, ulen dhe mbushen në pistat e improvizuara në teritorin Shqiptar? Pse institucionet e kontrollit të hapësirës ajrore në Shqipëri, sa herë kapen avionët e drogës, nxitojnë të sajojnë alibi, të spërdridhen, të justifikohen dhe ta zhvendosin përgjegjësinë nga vetja? Pse autoritetet shqiptare nuk zbulojnë, parandalojnë dhe kapin qoftë edhe një avion droge, por avionët kapen vetëm kur u thyhet rrota në plazhet shqiptare, kur gjurmohen nga autoritetet shqiptare ose kur bie me helikopter? Kush i ?fik? institucionet e kontrollit ajror sa herë aktivizohen linjat e drogës me avion? Të gjitha këto pyetje, prodhojnë një pyetje retorike; A janë të implikuar qeveritarë dhe pushtetarë të lartë në trafikun e drogës me avion? Nuk ka dyshim më se, zyrtarët e Policisë së Shtetit, të zbuluar deri më tani, janë vetëm fillimi i zinxhirit të autoritete shtetërore të implikuar në trafikun e drogës me avionë dhe helikopterë. Ky zinxhir shkon lart e më lart, deri tek qeveritarët e veshur me pushtet. Por, zinxhiri i të implikuarve errësohet dhe befas këputet, sapo hetimet u afrohen pushtetarëve të lartë. Sa herë, ministrja e Mbrojtjes, Mimi Kodheli, ministri i Brendshëm, Saimir Tahiri dhe krerët e institucioneve të kontrollit ajror, thonë se gjithçka e kanë nën kontroll, bie avionët dhe helikopterët me drogë. Vetëm disa ditë më parë, ministrja e Mbrojtjes, Mimi Kodheli tha se kufijtë dhe brigjet e detit janë më të sigurtë së kurrë. Ndoshta, në kohën kur Kodheli artikulonte këtë deklaratë, avioni i drogës po ulej në Vlorë. Po ku janë radarët e Ministrisë së Mbrojtjes? Kush e drejton Qendrën Ndërinstitucionale Operacionale Detare? Vetëm disa muaj më parë, ministrja Kodheli dha lajmin e bujshëm të vënies në funksionim të radarëve, të cilët ishin prishur nga Arben Imami, për qëllime të errëta. Sistemi i radarëve është vënë në funksion që në 19 shkurt 2014. Ndërkaq, linja e trafikut të drogës më avion ka nisur që na janar të vitit 2015. Këto fakte komprometojnë rëndë pozitat e kupolës së Ministrisë së Mbrojtjes dhe të zyrtarëve të tjerë të shtetit shqiptar.

Institucionet përgjegjëse

Përpos Ministrisë së Mbrojtjes, e cila disa muaj më parë shënoi marrëzinë më të madhe në histori, duke mbushur fushat me blloqe betoni që të mos të uleshin avionët e drogës, janë disa organe të tjera, të ngarkuara me ligj për kontrollin ajror në Shqipëri. Autoriteti i Aviacionit Civil është i ngarkuar për zbatimin e ligjeve, vendimeve dhe rregulloren për sigurinë, vëzhgimin dhe kontrollin e fluturimeve në hapsirën ajrore shqiptare. Për kontrollin dhe vëzhgimin është ngritur edhe Komiteti Kombëtar i Sigurisë së Aviacionit Civil. Ndërkaq, përgjegjësi të drejtpërdrejtë për të njoftuar organet për avionin në fjalë të drogës e ka Agjencia Nacionale e Trafikut Ajror.