web counter
LEXO PA REKLAMA!

SHKARKO APP

Operacionet anti-kanabis në të gjithë Shqipërinë

29 Gusht 2015, 09:51, Aktualitet CNA

Efektivët e Policisë së Shtetit të mbështetura edhe nga FNSH kanë vazhduar aksionet e tyre antikanabis në të gjithë Shqipërinë.

Në Shkodër janë asgjësuar 12139 rrënjë kanabis të mbjellur në 75 parcela. Bimët narkotike kanë qenë të shpërndara në 9 zona të ndryshme.
Droga është gjetur në vendin  e quajtur Mllojë, në Vaun e Dejës, në Bojaj, Bruçaj, Sumë, Likaj, Telumë, Kishë Arrë, Postribë dhe në vendin e quajtur Prroi i Çuit. Policia po punon për identifikimin dhe kapjen e kultivuesve.

Në Vlorë janë asgjësuar dy parcela të mbjellura me 1319 rrënjë kanabis sativa. Bima narkotike është gjetur në fshatin Kropisht në vendin e quajtur “Moçalet Janaj”.

Policia ka identifikuar kultivuesin e bimëve narkotike, Fatjon Koçiraj, 28 vjeç, banues në lagjen “Pavarësia” në Vlorë.

Efektivët e Policisë kanë asgjësuar 515 bimë narkotike në Kucovë dhe Skrapar. Droga është gjetur në fshatin Frashër të Kuçovës, dhe Koprënckë të Skraparit. Policia po punon për identifikimin e kultivuesve.





Lajmet e fundit nga