A po e tradhëtojnë PD-në ish mediat e saj?

29 Gusht 2015, 15:12, Aktualitet CNA

Ka ngjallur habi të madhe të premten sulmi që nga tribuna e PD-së iu bë gazetave të një botuesi që njihet si një nga ish miqtë më të mëdhej të Lulzim Bashës. Fjala është për Irfan Hysenbelliun që kontrollon aksionet e Panaorama dhe 50% të Gazeta Shqiptare. Ka shërbyer një interpretim i thjeshtë shifrash që ?ftohja? që përflitej prej kohësh të plaste në publik.

Një nga përfaqësuesit e PD-së doli si zakonisht në tribunë për të denoncuar sipas tij mungesën e transparencës së qeverisë për publikimin e të dhënave financiare për muajin korrik. Por ktë pretendim e kundërsulmuan menjëherë disa media të cilat pretendonin se qeveria i kish bërë publike shifrat, madje duke nxjerrë edhe linkun në internet se ku mund te konsultoheshin ato. Se kush kishte të drejtë në këtë betejë mediatike nuk është e vështirë të kuptohet, por ajo që të bën përshtypje është fakti se ka mjaftuar një ?incident? kaq i vogël që selia blu të shpërthejë: ?Me një zell të tepruar dhe jashtë çdo kriteri profesional, Panorama online dhe Balkanëeb sulmuan sot me një shkrim anonim Partinë Demokratike duke u përpjekur të mbrojnë qeverinë me një mashtrim diletant?, thuhej në komunikatën e PD-së. Selia blu i ka trajtuar këto dy gazeta si zëdhënëse që i shërbejnë me devotshmëri qeverisë duke nënvizuar se ato u përgjigjën ndaj akuzave të PD-së përpara se të përgjigjej kryeministria apo ministria e financave.

E njëjta histori u përsërit pak ditë më parë edhe me gazetën Mapo, por këtë herë nga zyra e presidentit Nishani. Pasi faqja online e kësaj gazete publikoi një lajm se Nishani kish kaluar ditën në jahtin e babait të monarkut të Katarit (një lajm që më pas edhe gazeta e pranoi vetë se nuk qe i vërtetë) nga presidenca u lëshuan munxat: ?Zyra e shtypit e Presidentit të Republikës shpreh keqardhjen për këtë shpërdorim vulgar të medias për shërbime qeveritare?. Pra në të dy rastet edhe mediat e Hysenbelliut edhe ato të Henri Cilit, të dy të njohur si ish miq të ngushtë të Bashës, janë akuzuar në pak ditë si shërbëtore të qeverisë. E vëretë??? (Lapsi.al)