E fundit!

13:13 Opinione Eduard Halimi

Si ta kuptojmë atë që po ndodh në Aeroportin e Vlorës?

Si ta kuptojmë atë që po ndodh në Aeroportin e Vlorës/ 7 K...

Përse po e sulmojnë PD-në “mediat e Bashës”? “Ligji i arsimit”, “Parkingjet e Tiranës” dhe “Kulla tek Liqeni” ndryshuan kursin…

29 Gusht 2015, 18:09, Aktualitet CNA

Nuk ka ndodhur në më shumë se një dekadë, ajo që ndodhi me spotet elektorale të zgjedhjeve të fundit lokale. Televizioni kombëtar ?Klan? nuk pranonte të jepte spotet e kandidatit të opozitës për Tiranën, me arsye nga më të ndryshmet.

Një pretendim ishte se PD i kishte pa paguar spotet e fushatës së 2013, por arsyeja thelbësore dukej të ishte Erion Veliaj dhe Edi Rama. Halim Kosova nuk duhet të shfaqej në TV-të kombëtare. E njëjta gjë ndodhi edhe me emisionin shumë popullor ?Zonë e Lirë?.

Megjithë këmbënguljen nga PD, kandidatit Kosova nuk ju hap studio e Arian Çanit. Edhe për këtë kishte një argument, por arsyeja ishte e njëjtë. Kosova nuk duhej të dilte në ekranet kombëtare.

Një TV modeste me pronar një deputet aktual të PD-së, në pasqyrën e hapësirës që kishin zënë kandidatët dhe partitë politike sipas KQZ-së, e majta kishte dyfishin e kohës krahasuar me patinë e vet pronarit të këtij TV-je.

Mediat e tjera ishin qartësisht me Veliajn por jo në sulm të hapur me Bashën.

Tashmë pronarët e mediave që mburreshin për miqësinë me Lulzim Bashën, po e sulmojnë partinë që drejton ish-kryebashkiaku. Ka shumë hamendësime, por interesat e pronarëve të këtyre mediave mbizotërojnë. Jo parimet.

Të premten u sulmuan nga tribuna e PD-së gazetat e një botuesi që njihet si një nga ish-miqtë më të mëdhej të Lulzim Bashës. Fjala është për Irfan Hysenbelliun që kontrollon aksionet e Panorama dhe 50% të Gazeta Shqiptare. Ka shërbyer një interpretim i thjeshtë shifrash që ?ftohja? që përflitej prej kohësh të plaste në publik.

Një nga përfaqësuesit e PD-së doli si zakonisht në tribunë për të denoncuar sipas tij mungesën e transparencës së qeverisë për publikimin e të dhënave financiare për muajin korrik. Por ktë pretendim e kundërsulmuan menjëherë disa media të cilat pretendonin se qeveria i kish bërë publike shifrat, madje duke nxjerrë edhe linkun në internet se ku mund te konsultoheshin ato:

?Me një zell të tepruar dhe jashtë çdo kriteri profesional, Panorama online dhe Balkanëeb sulmuan sot me një shkrim anonim Partinë Demokratike duke u përpjekur të mbrojnë qeverinë me një mashtrim diletant?, thuhej në komunikatën e PD-së. Selia blu i trajtoi këto dy gazeta si zëdhënëse që i shërbejnë me devotshmëri qeverisë duke nënvizuar se ato u përgjigjën ndaj akuzave të PD-së përpara se të përgjigjej kryeministria apo ministria e financave.

E njëjta histori u përsërit pak ditë më parë edhe me gazetën Mapo, por këtë herë nga zyra e presidentit Nishani. Pasi faqja online e kësaj gazete publikoi një lajm se Nishani kish kaluar ditën në jahtin e babait të monarkut të Katarit (një lajm që më pas edhe gazeta e pranoi vetë se nuk qe i vërtetë) nga presidenca u lëshuan munxat: ?Zyra e shtypit e Presidentit të Republikës shpreh keqardhjen për këtë shpërdorim vulgar të medias për shërbime qeveritare?. Pra në të dy rastet edhe mediat e Hysenbelliut edhe ato të Henri Çilit, të dy të njohur si ish miq të ngushtë të Bashës, janë akuzuar në pak ditë si shërbëtore të qeverisë. E vërtetë???

Po të analizosh arsyet e ndërrimit të kahut të këtyre mediave kupton që tashmë ato kanë ndërruar krah, por jo qëllim. Projekti në tentativë për parkingjet e Tiranës, një leje për një 40 katesh që nuk u dha nga Basha mu në digën e liqenit, vota kundër që i dha PD, e më pas refuzimi që Presidenti Nishani i bëri ?Ligjit të Arsimit të Lartë?, ka ndikuar në ndryshimin dhe shpifjet sporadike në drejtim të Bashës dhe Presidentit të Republikës nga këto media. syri.net