E fundit!

11:55 Aktualitet

“Projekti “Smart City” me kosto të fryra”/ PD: Kërkohet hetim për 118 milionë dollarët e borxhit

Partia Demokratike ka denoncuar marrëveshjen e qeverisë pë...

Basha opozitë konstruktive se nuk ndihet i kërcënuar

11 Korrik 2015, 06:02, Opinione CNA

Nga Çim Peka

Çdo opozitë në Shqipëri ka qenë agresive. Sidomos kur i ka humbur apo ja kanë vjedh zgjedhjet. Përveç se nuk kanë njohur rezultatin, opozitat e kaluara nuk kanë reshtur se denoncuari krimin dhe korrupsionin me dhe pa emra çdo ditë nga selitë e tyre. Opozitat e kaluara kanë arritur të shtyjnë zgjedhjet edhe vetëm për një vulë në certifikatë, se kështu i tekej liderit të opozitës së kohës. Ndryshe po ndodh me opozitën e drejtuar nga Lulzim Basha. Është një opozitë më fine, më pak e zhurmshme, më e bindur e më e urtë. Është një opozitë që nuk kërkon zgjedhje të reja çdo tre muaj e që po pret pa e shqetësuar mazhorancën për asgjë deri në përfundim të mandatit.

A është kjo opozita që i duhet vendit? Këtë do e tregojë gara e 2017-ës. Kjo e 21 Qershorit ka ngritur shumë pikëpyetje mbi këtë lloj opozite.
Po pse ka zgjedhur Basha të jetë opozita më konstruktive deri më sot.

Duhet theksuar se ndryshe nga opozitat ?97-2005, dhe 2005-2013, lideri i opozitës së sotme nuk ndjehet i kërcënuar as nga mazhoranca e as nga gara e brendshme.

Mazhoranca ndjehet komode me këtë lloj opozite, të paktën deri tani. Gjithashtu, duket qartë se brenda PD-së zoti Basha ndjehet krejt i sigurt dhe i pashqetësuar. Jo vetëm se ish-liderin e partisë nuk e ka kundër, por e ka dhe mburojë. Edhe zërat që kanë shfaqur pak kriticizëm ndaj tij, janë figura tejet të konsumuara gjatë qeverisjes së djathtë. Zëra që nuk ngrenë dot valë kundër Lulzim Bashës. Edhe ata zëra kritik që nuk kanë pasur pushtet e konsum gjatë qeverisjes së PD-së, janë aq periferik sa dhe rojen e PD-së nuk e shqetësojnë. Këta kritizer kujtohen për ?pamfletet? e Olldashit sa herë arrijnë t?i vjedhin një buzëqeshje kryeministrit Rama ose shefit të LSI-së Meta.

Si përfundim, Lulzim Basha i sigurt dhe i pakërcënuar në drejtimin e PD-së ka vendosur të mos ndikohet në të bërit opozitë krejt ndryshe nga çfarë kemi parë deri më sot. Një opozitë këshilluese, jo denoncuese dhe pritëse. Në gjuhen e gazetarëve, një opozitë ?holandeze?.

A do të ketë sukses?

syri.net