E fundit!

18:43 Kronika

Aksident në aksin Elbasan-Librazhd/ Automjeti del nga rruga, humb jetën i riu

Një aksident i rëndë është shënuar pasditen e sotme në aks...

“Rombi i Merkel” ne ballkan

9 Korrik 2015, 22:48, Opinione CNA

Nga Kastriot MYFTARAJ

Zonja Merkel është bërë e famshme për pozicionin në të cilin i mban duart, duke bashkuar dy skajet e gishtave tregues dhe gishtave të mëdhenj të duarve, në trajtë rombi. Ky njihet si ?Merkel raute?, në shqip ?Rombi i Merkel?. Rombin e saj, Zonja Merkel e ka gdhendur edhe në hartën e Europës, në Ballkanin Perëndimor. Zonja Merkel mban autorësinë, jo të lakmueshme të atij rombi të vakuumit gjeopolitik në Ballkanin Perëndimor që përfshin gjashtë shtetet e mbetur jashtë Bashkimit Europian: Shqipërinë, Bosnjë-Herzegovinën, Serbinë, Malin e Zi, Maqedoninë dhe Kosovën.

Zonja Merkel, e cila është në vitin e dhjetë si Kancelare e Gjermanisë, dhe e ka marrë këtë detyrë në vitin 2005, i shpenzoi pesë vitet e parë në këtë post për të bllokuar integrimin e Ballkanit Perëndimor në Bashkimin Europian, me shpjegimin se BE nuk kishte mundësi të përballonte koston financiare të integrimit të këtyre vendeve, pasi ishte bërë një zgjerim i madh në 2004 dhe 2007, sipas agjendës së Brukselit, që përfshiu edhe pjesën më të madhe të Ballkanit. Zonja Merkel bëri vetëm një përjashtim të kuptueshëm për Kroacinë. Kështu Zonja Merkel la një vrimë të zezë në Ballkanin Perëndimor, në mes të hartës blu të Bashkimit Europian.

Mund të thuhet se fajin e kanë vendet përkatëse të Ballkanit Perëndimor të cilët nuk janë gati për t? u anëtarësuar në BE. Por këto vende nuk kanë asnjë problem që nuk zgjidhet me para dhe problemet që i pengojnë këto vende të anëtarësohen në BE do të kishin gjetur zgjidhje nëse BE do të kishte dhënë më tepër para, shpenzimin e të cilave le ta kontrollonte vetë me rreptësi.

Në pesë vitet e dyta në postin e Kancelares, Zonja Merkel përgënjeshtroi veten duke shpenzuar qindra billionë euro për të mbushur një vrimë të zezë financiare të Eurozonës që është Greqia. Nëse vetëm një e dhjeta e parave që Bashkimi Europian ka shpenzuar për Greqinë që nga viti 2010 do të qenë shpenzuar për t? i përgatitur për anëtarësim gjashtë shtetet e Ballkanit Perëndimor të përmendur më lart, këta do të kishin qenë me kohë gati për t? u anëtarësuar në BE, ndonëse jo ende në Eurozonë (vendet që kanë monedhën e përbashkët euro). Merkel është drejtpërdrejt përgjegjëse që vendeve të Ballkanit Perëndimor iu kërkohen standarde si ato që kërkohen për të hyrë në Eurozonë, kur këto vende do të anëtarësohen vetëm në Bashkimin Europian, pa hyrë në zonën e monedhës së përbashkët.

Kur Zonja Merkel të largohet nga posti i kancelares në 2017, as Ballkani Perëndimor nuk do të jetë integruar në Bashkimin Europian dhe as kriza greke nuk do të jetë kapërcyer, kuptohet nëse Greqia nuk largohet nga Eurozona, që është e vetmja zgjidhje.

Vagina ka trajtë rombi kështu që zona e errët e paintegruar e Ballkanit Perëndimor mund të quhet edhe Vagina e Merkelit. Se çfarë do të bëjë Bashkimi Europian me këtë trashëgimi merkeliane, është një gjë që mbetet për t? u parë.
Nuk është ironi e vogël që zonja Merkel erdhi në Tiranë e veshur bardhë e kuq, me ngjyrat e flamurit të Polonisë, atdheut të vërtetë të saj. Me këtë ajo sikur donte të thoshte: Unë nuk jam veçse polakja Angela Kazmierczak, gjyshi i së cilës shkoi në Gjermani si emigrant ilegal dhe ndryshoi mbiemrin. Ai do të kishte qenë shumë i kënaqur nëse mbesa e tij do të gjente punë si pastruese në ndonjë klub nate të Berlinit. Në këtë vend patën idenë e çuditshme të më bëjnë kancelare. Pra, çfarë prisnit nga unë?
Zonjë Merkel do të ikë së shpejti nga posti i saj, por vaginën do të na e lerë të shpalosur në mes të Ballkanit.