Fushatë rutinë e kandidatit të PD në Korçë, Gjergji Mero

11 Qershor 2015, 11:58, Opinione CNA

Nga Erget CENOLLI

Duke ndjekur në televizionet lokale fushatën elektorale të kandidatëve për kryebashkiakë, vërej një apati dhe rutinë tek kandidati i opozitës zoti Gjergji Mero.
Takime të njëtrajtshme me premtime, të cilat për kohën kur jetojmë, duken të paarritshme dhe të parealizueshme në pjesën dërrmuese të tyre.
Duke qenë se kandidati i pozitës është komod, ka ndihmën dhe resurset e shtetit, kandidati Mero duhet të jetë shumë aktiv që të mudet të fitojë.
Fjala vjen, nëse thotë që do t?i lehtësoj bizneset e vogla duke mos iu vënë taksa për një vit; me këtë fjalë ka kënaqur vetëm 30% të biznesmenëve të vegjël, pasi 70% janë aktualisht pa licencë, kështu që jo vetëm nuk preken nga kjo fjalë, por përkundrazi?

Zoti Mero duhet të organizojë nëj ?sulm? mediatik të fuqishëm:
Të hapë debate debate të bujshme që do të venë në lëvizje opinionin publik, do t?i kthejnë publikut vëmendjen nga figura polemizuese e një kryetari të ardhëshëm.
Ka disa problem që janë skllavëruese dhe antikombëtare në veprimin e pushtetarëve aktualë lokalë:
Së pari, është uji i pijshëm i cili nga plehrat që janë hedhur mbi basenin ujëmbledhës të qytetit rrezikon të infektohet

Së dyti, janë kreditë e shumta që po e bujkrobërojnë qytetin e Korçës; kur të fillojnë të paguhen këto kredi të marra prej bashkisë, qytetit do t?i krruset shpina deri në tokë prej taksave.
Së treti, është kultura korçare, por me rrezatim mbarëkombëtar, që është në rrezik, me projektin për zhdukjen e bibliotekës së qytetit, me vjedhjet e shumta në galeri dhe në asetet e ish muzeumeve; me tjetërsimin që po i bëhet Pazarit të qytetit etj.

Së katërti, është vjedhja që po iu bëhet prej pushtetit aktual të mbi 150 familjeve fermere autoktone, nëpërmjet një gjyqi që ka hapur Prefektura për marrjen te pronave tek ish NB e qytetit.
Këto e shumë të tjera janë problem që duhen trajtuar me forcë e me zë të lartë që të tërheqin vëmendjen e oinionit qytetar.

Premtimet e zakonshme që janë bërë në çdo fushatë me të njëjtat parulla e sllogane, nuk besoj se do të ndikojnë në zgjimin e elektoratit dhe pjesëmarrjen e tij masivisht në votime.
Mendoj se për kohën e shkurtër që ka mbetur zoti Mero duhet të ndryshojë konceptin e fushatës.