E fundit!

20:52 Aktualitet

FOTOLAJM/ 47 ditë proteste, qytetarët me pankarta "pikante"

Mijëra qytetarë janë grumbulluar edhe këtë të enjte për pr...

13 kanceret që drobisin trupin e Shqipërisë

11 Qershor 2015, 10:08, Opinione CNA

Nga Artan FUGA

1. Të drejtën e votës e fundos fakti se votohet me lista kandidatësh të përcaktuara nga partitë dhe askush nuk di se kë zgjedh. As ai që zgjidhet s’e ka mendjen te zgjedhësit sepse atë e zgjedh kryetari i partisë.

2. Shanset e barabarta në treg i fundos tenderi, sepse tenderi krijon miliarderët e partive dhe korrupton gjithçka.

3. Administratën publike e shkatërron nëpunësi militant që nuk zgjidhet me konkurs të drejtë dhe të vërtetë, por prej gjasme.

4. Admnistrimin dhe zhvillimin e territorit e shkatërroi qyteti i mbipopulluar që boshatisi zonat e tjera, krijon papunësi dhe rrit çmimet në stratosferë.

5. Kulturën, arsimin, artin, i shkatërroi tregu, sepse heqja dorë nga politikat publike për artin dhe kulturën thau gjithçka duke krijuar idiotësi kulturore.

6. Ekonominë po e shkatërron fasonizmi sepse drejton kapitalin human drejt një ekonomie që paguan mizerabël dhe ul krejtësisht fuqinë blerëse çka pengon degët e tjera të ekonomisë të zhvillohen.

7. Gjyqësorin e shkatërron kontrolli politik që krijon mundësi për abuzime dhe mosndarja e pushteteve, centralizimi i institucioneve të së drejtës.

8. Elitat mjeksore, intelektuale, inxhinjerike i shkatërroi mosmotivimi me paga dhe shpërblime dinjitoze duke i mbajtur në gjendje parazitizmi dhe i shtyrë drejt korrupsionit.

9. Barazinë sociale dhe lidhjen e qytetarit me shoqërinë e shkatërroi mungesa e kulturës të aksionariatit masiv dhe popullor sipas bursës të aksioneve.

10. Demokracinë lokale e shkatërroi mungesa e të drejtave lokale, dytësore, për qytetarin.

11. Mediat i shkatërron shkëputja nga audienca dhe mbijetesa vetëm në sajë të ushqimit të tyre me kapitale të dyshimta, me tednera, etj. Vetëm koncentrimi i mediave jep mundësi për mbijetesë të pavarur nga pushteti që i ka bërë zyra propagande.

12. Tregtinë e jashtme e fundosi monopoli grosist që krijon çmimet monopol. Tregtari grosist nuk e do prodhuesin vendas.

13. Buxhetin e shtetit e fundosën shpenzimet marramendëse administrative, krejtësisht të ekzagjeruara. E çfarë i duhen Shqipërisë ta zemë 140 deputetë???

Operoni këto tumore dhe do të shohim brenda pak muajsh sesi do të rikthehen fuqitë e popullit për të krijuar një shoqëri dinjitoze.