web counter
LEXO PA REKLAMA!

SHKARKO APP

App Store
Google Play

E fundit!

x

FMN konfirmon shkaqet e rënies së të ardhurave në buxhet, diskutime me qeverinë për informalitetin dhe doganat

4 Qershor 2015, 07:16, Ekonomi CNA

Fondi Monetar Ndërkombëtar, për herë të parë pranon se rënia e të ardhurave në buxhetin e shtetit ka ardhur për shkaqe të brendshme siç janë informaliteti dhe doganat. Ditët e fundit, përfaqësues të Bankës Botërore dhe Fondit Monetar Ndërkombëtar kanë shprehur hapur shqetësimin për rënien e ndjeshme të të ardhurave në arkën e shtetit për 4 mujorin e parë të 2015, por deri më tani, fokusi i tyre për gjetjen shkaktarëve kishte qenë faktori i jashtëm, siç është dhe ulja e çmimit të naftës. Ditën e djeshme, qëndrimi i FMN ishte krejt tjetër, teksa i këshillonte qeverisë shqiptare që të gjejë shkaqet e vërteta të rënies së të ardhurave, duke u fokusuar tek faktori i brendshëm, ekzaktësisht në fuqizimin e bazës së taksapaguesve dhe mbledhjen e të ardhurave në dogana.

?Është e vërtetë që niveli i të ardhurave për 2015 ka qenë zhgënjyes. Ne e kemi këshilluar qeverinë që të vlerësojë arsyet dhe kemi ofruar mbështetjen tonë për këtë çështje. Ne do të diskutojmë me qeverinë për përgjigjen e përshtatshme ndaj kësaj rënieje, me fokus në fuqizimin e bazës së taksapaguesve dhe mbledhjen e të ardhurave në dogana. Ne nuk presim që rënia e të ardhurave të jetë strukturore, d.m.th që të jetë e përhershme, dhe si rrjedhojë nuk presim ndryshime domethënëse në pritshmëritë afatmesme. Megjithatë, kjo supozon se qeveria do të marrë hapa vendimtarë për të rimëkëmbur nivelin e të ardhurave?, deklaroi përfaqësuesi i përhershëm i FMN në Shqipëri, Jens Reinke.

  Borxhi dhe rritja ekonomike   

Teksa flet për zhvillimet ekonomike të këtyre muajve të parë të 2015, Reinke pranoi gjithashtu për herë të parë, se rritja do të jetë më e ulët se sa pritej. ?Ne vazhdojmë të shohim një rimëkëmbje të ekonomisë shqiptare dhe normat vjetore të zgjerimit po rriten, edhe pse në njëfarë mënyre më ngadalë se sa ne prisnim në fillimin e programit?, u shpreh ai, duke shtuar ndër të tjera se FMN e këshillon qeverinë shqiptare të përmirësojë qëndrueshmërinë e borxhit përmes rritjes së nivelit të të ardhurave, përmirësimit të menaxhimit të borxhit dhe përshtatjes së politikave që do të forcojnë tregjet e brendshme financiare.

?Planet financiare të jashtme të qeverisë janë një mundësi për të zëvendësuar huamarrjet afatshkurtra, të kushtueshme me huan afatgjatë dhe me interesa më të ulëta. Ky zëvendësim, në vetvete, nuk e rrit nivelin e borxhit. Ne po këshillojmë qeverinë të vazhdojë zbatimin e politikave fiskale, në përputhje me programin e saj ekonomik afatmesëm, i cili ka në themel limitet e borxhit publik. Kosto më e ulët e interesave do të krijojë hapësirë fiskale për të shpenzuar në fusha më produktive, përfshirë projektet kapitale, ndërsa huamarrja afatgjatë do të përmirësojë elasticitetin e ekonomisë ndaj goditjeve ekonomike. Huamarrja më e ulët e brendshme nga qeveria mund të çlirojë burimet në sektorin bankar, që së bashku me masat e tjera, mund të mbështesin rritje më të fortë të kredisë në sektorin privat dhe si rrjedhojë, një ekonomi më të fortë?, vijoi përfaqësuesi i përhershëm i FMN.





Lajmet e fundit nga