web counter
LEXO PA REKLAMA!

SHKARKO APP

App Store
Google Play

Cipras në Bruksel, plani i ri i kreditorëve nuk lejon manovra

3 Qershor 2015, 09:00, Ekonomi CNA

Kryeministri grek, Aleksis Cipras udhëton në Bruksel ku do t?i paraqitet plani i ri për zgjidhjen e krizës greke. Kreditorët ndërkombëtarë pritet të detajojnë reformat ekonomike të nevojshme nëse Greqia dëshiron financime të mëtejshme. Cipras tashmë ka deklaruar se ai vetë ka propozime të reja për zgjidhjen e krizës që mund të përfshijnë edhe konscensione të dhimbshme.
Një pagesë prej 300 milionë euro pritet të premten nga Greqia që është zhveshur nga paratë kesh, e që me gjasa mund të mos paguhet.
Draftmarrëveshja është hartuar nga Fondi Monetar Ndërkombëtar, Komisioni Europian dhe Banka Qendrore Europiane pas bisedimeve me kancealren Merkel dhe presidentin Holland.
Tsipras mban takime ndërkaq, me presidentin e komisionit Europian, Jean Claude Juncker. Korrespondentët në Bruksel thonë se ndërsa kjo marrëveshje e re mund të mos jetë një ofertë e prerë, merre ose ik, duket se nuk ka shumë vend për manovra.
Kreditrët dhe zyrtarët e eurozonës kanë humbur durimin pas muajsh të tërë negociatash të lodhshme. Detajet e marrëveshjes së re nuk jkanë publikuar, mirëpo një zyrtar i lartë i BE-së i cituar nga reuters tha se drafti mbulon të gjithë politikat kryesore dhe reflekton diskutimet e javëve të fundit.
Partia e së majtës radikale Syriza që fitoi zgjedhjet në janar, o zotua të kundërshtojë masat e kursimit, shumë jopopullore në Greqi të vendosura si kusht nga kreditorët që shëptuan vendin nga falimenti me anë të paketës së shpëtimit.
Thyerja e këtyre premtimeve do të jetë një pilulë e hidhur për kryeministrin grek, thonë korrespondentët. Një dështim për arritjen e një marrëvesgjeje mund të nxisë falimentimin grek dhe një dalje të mundshme nga eurozona. Sipas Cipras, ai ka një plan realist për nxjerrjen e Greqisë nga kriza. Mirëpo pagesa e së premtes është shumë e afërt ndërsa Athina mbetet në ngërç me kreditorët prej katër muajsh tani në lidhje me lëvrimin e këstit të mbetur prej 7.2 miliardë euro ndihmë.





Lajmet e fundit nga