web counter
LEXO PA REKLAMA!

SHKARKO APP

App Store
Google Play

Bie eksporti i bimëve mjekësore

31 Maj 2015, 17:15, Ekonomi CNA

Bimët mjekësore kanë qenë surpriza negative e 3 mujorit të parë të vitit përsa i përket eksporteve.

Ndonëse gjithnjë jemi mësuar të dëgjojmë shifra në rritje të eksporteve të kësaj industrie, duket se ky fillim vit ka shënuar kthesë. Referuar të dhënave zyrtare të Ministrisë së Bujqësisë, eksporti i bimëve medicilane është regjistruar në vlerën e  900.4 milion lekëve nga 937.9 milion lekë që ka qenë në të njëjtën periudhë të një viti më parë. Duke u fokusuar në sasinë e eksportuar, vihet re se për periudhën Janar-Mars 2015, tregtia me jashtë e bimëve aromatiko-mjeksore ka qenë në vlerën e 3056 ton nga 3081 ton që kanë qenë në tremujorin e parë të vitit 2014.

Shifrat tregojnë se ngritja e tatim fitimit nga ana e qeverisë i ka dhënë goditjen e parë kësaj industrie, e cila gjeneron mijra vende pune dhe në ato zona ku varfëria është më e theksuar. Prodhuesit dhe eksportuesit e bimëve medicinale shpesh herë kanë ngritur shqetësimin e taksave të larta dhe kanë kërkuar nga qeveria rishikimin e tatimi-fitimit, duke argumentuar se taksimi në masën 15 për qind rëndon këtë industri.

Këto kultura kanë kërkesë të gjerë sidomos në Shtetet e Bashkuara të Amerikës, të cilat luajnë rolin e importuesit kryesor. Pjesa më e madhe e këtyre bimëve kultivohen, kryesisht në Qarkun e Shkodrës, duke punësuar edhe një numër të lartë banorësh që merren me kultivimin, grumbullimin, tharjen e përpunimin e tyre. Kjo industri prej vitesh ka ecur me hapa pozitvë, duke luajtur edhe një rol të rëndësishëm në rritjen ekonomike të vendit, por që tashmë duket se nuk po ndjek të njëjtin ritëm./RTV Scan





Lajmet e fundit nga