web counter
LEXO PA REKLAMA!

SHKARKO APP

App Store
Google Play

E fundit!

x

Ahmetaj: Bashkerendim i politikave fiskale, rajoni ne nje pakete

28 Maj 2015, 14:24, Ekonomi CNA

Ministri i Ekonomisë, Arben Ahmetaj, i pranishëm në Forumin Ekonomik të Vjenës, i cili është mbajtur sot në Tiranë, ka deklaruar se për të tërhequr investimet e huaja, është e nevojshme të bashkërendohen politikat fiskale në rajon.

?Si do të kthehemi dhe të bëhemi më atraktivë për këto investime të huaja direkte dhe për investimet evropiane dhe në rang botëror? Duhet të bashkërendojmë politikat tona fiskale. Flasim për koordinim të standardeve, proceset e certifikimit të produkte të ndryshme, që nga bujqësia, tek industria, do ta bëjnë tregun jo vetëm virtualisht të unifikuar, por një treg praktikisht të unifikuar?,- tha Ahmetaj.

Duke përmendur se kemi bukuri natyrore të përbashkëta ministri u shpreh se rajoni mund të bëhet dhe po shndërrohet në një destinacion turistik.

?Shqipëria ka bukuritë e veta për të ndarë. Ka detin, ka malin, ka ushqimin bio, i cili është i shkëlqyer. Maqedonia po kështu. Mali i Zi po kështu. Serbia po kështu Maqedonia po ashtu. Bosnja dhe Hercegovina. Pra, imagjinoni për një çast që kur flasim për ndërlidhjen e cila sjell zhvillim ekonomik, mbyll në të njëjtën kohë të gjitha qarkun e rrjetit ose të unazës së turizmit, duke nisur që nga Leçe, sipër në Trieste, në Dubrovnik, në Mal të Zi, Durrës, në jug të Shqipërisë, që është një vend jashtëzakonisht turistik dhe pastaj kalohet në Greqi?,- deklaroi z. Ahmetaj.

Sipas tij, e gjithë kjo përpjekje, i bashkon njerëzit në një paketë turistike. Ai ndau mendimin se një përpjekje për ta njohur më mirë rajonin do ta bënte procesin politik, ekonomik, tregtar apo social, kulturor, do t?i bënte të gjithë këto procese me të lehta.

Për Ahmetaj, propozimi i kancelares gjermane Merkel për të nisur verën që vjen këto aktivitete janë pikërisht në thelb të përpjekjeve tona dhe do të materializohen.





Lajmet e fundit nga