web counter
LEXO PA REKLAMA!

SHKARKO APP

App Store
Google Play

E fundit!

x

Athina pa para, javën e ardhshme marrëveshje me kreditorët

19 Maj 2015, 07:51, Ekonomi CNA

Ministri grek i Financave, Yanis Varoufakis tha se pret që një marrëveshje të arrihet brenda javës së ardhshme me kreditorët ndërkombëtarë të Greqisë. Qeverisë po i mbarohen fondet me shpejtësi dhe dueht të kryejë një pagesë prej 1.5 miliardë eurosh ndaj Fondit Monetar Ndërkombëtar më 5 Qershor.
Varoufakis tha për median lokale se marrëveshja me kreditorët ishte shumë e afërt dhe mohoi çdo pretendim se vendi mund të largohet nga eurozona. ?Nuk kemi në radarin tonë asnjë monedhë tjetër?, tha Varufakis.
Greqia është e mbërthyer në negociata me Bashkimin Europian dhe Fondin Monetar Ndërombëtar në lidhje me reformat ekonomike që duhet të zbatohen përpara disbursimit të këstit të fundit të paketës së shpëtimit, prej 7.2 miliardë euro. Probleme janë ngritur në lidhje me reformën e pensioneve, liberalizimin e tregut të punës dhe ripunësimin që Qeveria pretendon për 4 mijë ish-punonjës civilë, probleme këto që ende nuk kanë një zgjidhje.
Javën që shkoi Qeveria e Athinës përdori fondin rezervë që e mban për të paguar FMN-nsë në mënyrë që të shlyente 750 eurot e interesave të borxhit për hua që ekzistojnë tashmë.
Varoufakis tha se marrëveshja për pagesën ishte në letra, por këmbënguli se do të refuzojë çdo kompromis që do të jetë jo i denjë.
?Ju siguroj se nëse ne përballemi me dilemën, të paguajmë kreditorët që refuzojnë të nënshkruajnë marrëveshje me ne apo një pensionist, do paguajmë pensionistin?, tha ai, duke shtuar se shpreson t?i paguajë të dy.
Të enjten, kryeministri Cipras merr pjesë në Riga në samitin e Partnershipit Lindor të BE-së.
Edhe pse Greqia nuk është në axhendë, zëdhënësi i Komisionit Europian, Margaritis Schinas tha se ka gjasa që Athina të jetë një nga pikat kryesore të bisedimeve.





Lajmet e fundit nga