Blerja e borxheve: Zgjidhja për 35 kompanitë që mbajnë peng kreditimin

30 Maj 2015, 18:25, Ekonomi CNA

Faktoringu është një shërbim i siguruar nga organizata të ashtuquajtura ?shtëpi të faktoringut?. Këto organizata mbijetojnë me anë të ?blerjes? së borxheve të klientëve të tyre. Me fjalë të tjera, ata (klientët) bëjnë një pagesë me vlerë rreth 80% të një borxhi të veçantë të firmës, kurse ?shtëpia e faktoringut? paguan pjesën që mbetet (20%), kur ka mbledhur paratë nga debitorët e firmave. Pra i ngarkon klientëve të saj një kuotë për këtë shërbim. Firma kliente ka avantazhin për mospasjen e përgjegjësisë dhe kostos për të ndjekur paratë që i kanë borxh. Përveç kësaj, pothuajse ka një përdorim të menjëhershëm të parave që do të mund të kishte pritur për njëfarë kohe.

Në rastin e 35 firmave që pengojnë huadhënien e ekonomisë për arsye të borxhit të keq që kanë në bankat tregtare (http://www.monitor.al/65-e-kredive-me-probleme-te-perqendruara-ne-35-kompani-borxhi-mbi-600-milione-euro/), do të thotë se nëse qeveria mendon se e mira i takon së gjithë shoqërisë dhe jo vetëm ndonjë grupi të veçantë, duhet ta kondensojë ekonominë në një fjalë të vetme: pronë private, që, me pak fjalë, nënkupton pronësinë private të mjeteve të prodhimit, pasi të gjitha kërkesat e tjera rezultojnë nga kjo kërkesë themelore, përndryshe shkenca ekonomike e koncentruar në politikën ekonomike të qeverisë e vë veten para alternativës: e konsideron ekonominë e vendit një gjë të gjallë, ose jo, e cila për të mbijetuar në këto kushte të ndikimit të krizës, duhet parë si një shkencë (politikë ekonomike) jo e përkryer, por si një shkencë (një politikë ekonomike) që kërkon ndryshim. Premtimi i një politike ekonomike, ndryshe nga idetë e ndërhyrjes së fortë të shtetit në ekonomi, mendon se qeveria e ka për detyrë: të mbështesë, të subvencionojë dhe të japë privilegje për grupe të veçanta. Në një realitet të tillë të jetës politike, praktikisht, partitë politike veçohen si grupe presioni dhe grup presioni është ai grup njerëzish që duan të përfitojnë privilegje të veçantë për interesa vetjake në kurriz të pjesës tjetër të kombit.

Rrugëzgjidhja për financimin e ekonomisë (rrugëzgjidhja e huadhënies për ekonominë) do ta konsideronte privilegj: një tarifë të ulët që u siguron grupeve të caktuara të borxhit të keq një subvencion nga ana e shtetit; por jo një ligj që të shtrembërojë konkurrencën në treg, që me çdo kusht do t?u siguronte 35 firmave me borxh të keq një pozicion të veçantë, duke u dhënë atyre diçka që u mohohet, ose duhej t?u mohohej grupeve të tjera.

Rrugëzgjidhja për 35 firmat me borxh të keq themelet i ka te toka, te të gjitha rëndësitë dhe fuqitë që ka ajo; si dhe te puna njerëzore, dy faktorë prodhimi që sigurojnë kushtet për një bashkëpunim të qëllimshëm për të përpunuar të gjitha sendet që i shërbejnë plotësimit të kërkesave të konsumatorit.

Rrugëzgjidhja për 35 firmat me borxh të keq, është e tillë për arsye se konsideron mallra kapitale të gjitha mallrat ndërmjetëse që prodhohen nga toka, me ndihmën e punës njerëzore, të tilla si makineritë, mjetet, gjysmëfabrikatet e të gjitha llojeve, etj., që i shërbejnë procesit të prodhimit të mëtejshëm.

Kjo rrugëzgjidhje bën një dallim të qartë ndërmjet: diferencës që ka bota e një njeriu që riskon jetën dhe pronën e tij për një çështje të drejtë; dhe botës së një njeriu që i sakrifikon ato pa i siguruar përfitime shoqërisë në cilëndo mënyrë.

Rrugëzgjidhja që përshkruhet nënkupton se: çdo gjë që shërben për të ruajtur rendin shoqëror është e moralshme; ndërsa çdo gjë tjetër, diametralisht e kundërt me këtë, është e pamoralshme. Rrugëzgjidhja që rekomandohet mendon se, hap pas hapi, me fjalën ?pronësi? çdo njeri mund të vendosë në mënyrë të përshtatshme fjalët ?liri? dhe ?paqe?; kur nuk respektohet pronësia, atëherë liria dhe paqja sulmohen në mënyrë të dhunshme pikërisht nga kundërshtarët e liberalizmit dhe është drejtësia e kundërshtimeve ajo që ngrihet kundër atyre.

Kjo rrugëzgjidhje që ofron ky shkrim e konsideron liderin e qeverisjes si kapiten të një anije, që pavarësisht se si përparësi ka të drejtën e komandimit nuk konsideron privilegj të vetëm të kapitenit aftësitë që ka ai për ta drejtuar anijen përmes shkëmbinjve gjatë stuhisë, sepse kështu nuk i shërben vetëm vetes, por të gjithë ekuipazhit.

Banka e Shqipërisë, me gjithë dëmtimet që ka pasur në imazhin dhe reputacionin e saj, nuk mund të justifikohet me konstatime, por me dhënien e rrugëzgjidhjeve. Të mos harrojë askush nga specialistët dhe ekspertët se politika fiskale dhe ajo monetare janë motër e vëlla në harmoni dhe sakrificë.

Sugjerimi

Me qëllim që një firmë me veprimtari ekonomike dhe punësim të konsiderueshëm i ka mundësitë për të qëndruar në treg në mënyrë konkurruese, por ka borxhe që nuk e lejojnë të vazhdojë veprimtarinë normalisht, ndërhyn shtëpia e faktoringut duke ia blerë borxhin dhe duke i siguruar kushte normale veprimtarie dhe punësimi për pasojë, me qëllim që nga fitimi i ardhshëm të kthejë paratë për blerjen e borxhit duke paguar një përqindje. Në të kundërt, veprimtaria dhe punësimi që bazohet në asetet e firmës pushojnë së vepruari dhe një pjesë e pasurisë kombëtare bëhet pasive, duke çuar nga humbja në humbje. Bankat, në rastin e 35 kompanive duhet ta shikojnë këtë opsion duke bashkuar forcat me qëllim që të sigurojnë kthimin e huave dhe jo të vendosin sekustro mbi asete që prodhojnë mallra ose shërbime, duke i vënë ato në pas./Monitor