web counter
LEXO PA REKLAMA!

SHKARKO APP

App Store
Google Play

E fundit!

x

Qytetet më të shtrenjta në botë

4 Mars 2015, 06:45, Ekonomi CNA

Qytet-shteti i Azisë jug-lindore, Singapori, vazhdon të kryesojë edhe për këtë vit listën e qyteteve më të shtrenjta për koston e jetesës në mbarë globin.
Pesë vendet e para të renditura në fakt janë të njëjta me ato të raportit të vitit të shkuar, me kryeqytetin Francez në vend të dytë, i ndjekur nga Oslo, Zyrihu dhe Sydney. Risia në raportin e sivjetshëm qëndron në përfshirjen në renditjen e 10 vendeve të para të kryeqytetit të Koresë së Jugut. Seouli aktualisht ofron një kosto jetese të njëjtë me atë të Hong Kongut.
Gjithsesi, raporti nënvizon faktin se `mos ndërhyrja e Zvicrës në sistemin e këmbimit valutor, me normat e sotme do të përkthehej në një përmbysje të kësaj renditje, duke listuar Zyrihun dhe Gjenevën si dy qytetet më të shtrenjta në glob. Ky raport i The Economist, bazohet mbi faktorë të ndryshëm krahasues, si shporta e konsumit, qeratë e shtëpive, kostot e transportit dhe ato të energjisë elektrike dhe ujit, shkollat private apo edhe argëtimin.
Dy qytetet më të mëdha Japoneze, Tokyo dhe Osaka, të cilat kanë qënë në listën e 10 vendeve më të shtrenjta për rreth 2 dekadat e shkuara, tashmë nuk figurojnë më në krye të renditjes, për shkak të inflacionit të dobët dhe zhvlerësimit të Yenit japonez. Singapori, i cili aktualisht, është edhe qyteti më i shtrenjtë në Botë, ofron çmime deri në 50% më të shtrenjta se qyteti i New York.
Në bazë të faktorëve të ndryshëm, Seouli renditet në vendin e parë në Botë për sa i përket produkteve bazike ushqimore, duke ofruar çmime mbi dy herë më të shtrenjta se në Shtetet e Bashkuara. Nga ana tjetër, qytetet europiane, si Zyrihu janë më të shtrenjtat për sa i përket kostos për argëtimin. Ndërkohë lsita e 10 vendeve më të lira për të jetuar në Botë përfaqësohet kryesiht nga qytete indiane.
Risia më e madhe në këtë raport, mbetet kryeqyteti i Venezuelës Caracas, i cili në raportin e vitit të shkuar zinte vendin e 4, ndër qytetet më të shtrenjta në mbarë globin. Aktualisht kryeqyteti Venezuelian, renditet ndër vendet më të lira në glob, duke bërë kështu një kthesë dramatike, falë luhatjes së çmimeve të konsumit.





Lajmet e fundit nga