web counter
LEXO PA REKLAMA!

SHKARKO APP

App Store
Google Play

E fundit!

x

Sektori privat punëson 345 mijë vetë

26 Shkurt 2015, 17:45, Ekonomi CNA

Sektori privat jobujqësor punëson rreth 345 mijë shqiptarë, ndër të cilët pjesa dërrmuese në tregti dhe shërbime. Sipas të dhënave të Anketës Strukturore të ndërmarrjeve për vitin 2013, të sapo publikuara nga INSTAT, shërbimet, duke përfshirë edhe tregtinë, punësojnë 62% të numrit total të punonjësve në sektorin privat.
Tregtia punëson afro 90 mijë shqiptarë ose 26% e të gjithë numrit të të puënsuarve në aktivitetin privat. Dega e dytë e ekonomisë për nga numri i të punësuarve, është industria përpunuese, me 68 mijë punonjës ose rreth 20% e totalit. Vijon pjesa tjetër e shërbimeve me 60 mijë të punësuar, ose 17% të totalit.
Brenda industrisë përpunuese, sektori i tekstileve dhe këpucëve, që përbën edhe kolonën e industrisë fason në vend, sipas anketës së Instat punëson rreth 30 mijë shqiptarë. Ky numër është larg shifrës prej afro 100 mijë të punësuarish që pretendohet nga sipërmarrësit e kësaj industrie.
Kjo tregon se niveli i lartë i informalitetit nuk mund të zbardhet as në shifrat e deklaruara në anketime. Por, kjo diferencë e thellë në shifra ndoshta vë në dukje edhe që pretendimet e biznesit fason për peshën e këtij sektori në ekonomi janë pjesërisht të tepruara.
Sidoqoftë, në tërësi shifrat e punësimit tregojnë se ekonomia shqiptare ende ka një profil të ulët prodhues dhe shumica e forcës së punës është e angazhuar në tregti dhe në shërbime.





Lajmet e fundit nga