E fundit!

12:03 Denoncim

Kompania që ka shkatërruar jugun

Kompania "Gjikuria" është kapur në disa shkelje të rënda. ...

Politikat që do ndiqen nga Bankat Qendrore për vitin 2015

24 Shkurt 2015, 16:16, Ekonomi CNA

Një analizë e fundit tregon për politikën që do të ndjekin Bankat kryesore Qendrore në glob gjatë këtij viti. Për pjesën më të madhe të këtyre institucioneve parashikohet një ulje e normave të interesit, por nga ana tjetër nuk janë të pakta as ndryshimet në politikën monetare nëpërmjet rritjes së këtyre normave. Listën e bankave qendrore të cilat do të ndërhyjnë gjatë këtij viti në politikën e tyre monetare duke rritur normat e interesit, e udhëheq Nigeria, e ndjekur nga Brazili, Shtetet e Bashkuara të Amerikës si dhe Meksika.
Pas mbajtjes së normave të interesit pranë zeros që prej vitit 2008, rezerva federale pritet të rrisë normën bazë të interesit me 0.5 ose 0.75%, brenda fundit të këtij viti. Rritja më e madhe parashikohet pikërisht nga banka qendrore e Nigerisë, e cila pritet të rrisë normën bazë të interesit me 1%. Një parashikim disi më optimist për ekonominë gjatë këtij viti, po detyron disa prej bankave qendrore të globit të shkëputen nga periduha disa vjeçare e normave të ulta pranë zeros, si dhe të ndërmarrin stimuj në përpjekje për të mposhtur rritjen e ngadaltë.
Shtetet e Bashkuara të Amerikës, pritet të rriten me 3.1% gjatë këtij viti, ndërkohë që papunësia pritet të zbresë në 5.2%. Nga ana tjetër edhe ekonomia e Nigerisë dhe ajo e Meksikës pritet të zgjerohen me 4.9 dhe 3.2% respektivisht. Ndërkohë nga Banka qendrore e Rusisë pitet edhe ulja më drastike e normave të interesit, me rreth 4%. Në muajin Dhjetor të vitit të shkuar kjo bankë njoftoi edhe rritjen më të madhe të normës bazë të interesit që prej vitit 1998, prej 6.5%. ndërkohë në muajin Janar të këtij viti, ajo ndërhyri përsëri duke ulur këtë normë më 2%.
Kjo kthesë në formë U-je vjen pas shqetësimeve për recesionin dhe frikës se kostot e larta të huamarrjes do të kenë impakt të drejtpërdrejtë në sektorin bankar dhe atë privat. Analistët presin që norma bazë e interesit në vend të zbresë në 11% brenda fundit të klëtij viti. Banka qendrore e Indisë dhe ajo e Turqisë priten gjithashtu të ulin me 1% normat e interesit përgjatë vitit aktual.
Lëvizjet e normave të interesit sipas vendeve
NË ULJE
Rusia 4%
India 0.5%
Turqia 0.5%
Kina 0.35%
Kanadaja 0.25%
Norvegjia 0.25%
Polonia 0.25%
Australia 0.25%
NË RRITJE
Filipinet 0.125%
Britania 0.25%
Meksika 0.5%
SHBA 0.5%
Brazili 0.5%
Nigeria 1%