web counter
LEXO PA REKLAMA!

SHKARKO APP

App Store
Google Play

E fundit!

x

BSH: Numri i llogarive bankare, mbi 2.9 milionë

20 Shkurt 2015, 06:38, Ekonomi CNA

Statistikisht, në sistemin bankar ka një llogari bankare për çdo shqiptar.
Sipas të dhënave më të fundit të Bankës së Shqipërisë, numri total i llogarive bankare ka arritur në pak më shumë se 2.9 milionë, afërsisht sa ç?është edhe numri i popullsisë rezidente në vendin tonë. Numri i llogarive bankare ka një tendencë të qëndrueshme në rritje, çka tregon forcim të kulturës financiare dhe krijimin e një marrëdhënie bazike me bankën.
Vitin e kaluar numri i llogarive bankare u rrit me 7%, ndërsa në harkun e dy viteve rritja ishte rreth 11%. Mbështetur në statistikat e Bankës së Shqipërisë, llogaritë e individëve rezidentë janë afërsisht 2.73 milionë, ndërsa llogaritë në emër të bizneseve janë mbi 160 mijë. Ndërkohë, llogaritë e subjekteve jorezidente, qofshin individë apo kompani, paraqiten në rënie të ndjeshme.
Nga mbi 31 mijë në vitin 2011, numri i tyre ka rënë në më pak se 21 mijë në fund të Nëntorit 2014. Kjo tregon një lloj tkurrje në marrëdhëniet direkte të emigrantëve me sistemin bankar, por ndoshta edhe kthimin e një pjese të mirë të titullarëve të llogarive në Shqipëri. Statistikat e Bankës së Shqipërisë nuk i detajojnë llogaritë bankare sipas llojit të tyre, por shumica janë llogari rrjedhëse dhe depozita me afat të individëve.
Rritja e numrit të llogarive bankare është themel për një përdorim më të madh të shërbimeve dhe produkteve financiare në ekonomi. Të pasurit e një llogarie mundëson kryerjen e transfertave dhe pagesave direkte, qoftë nga sportelet e bankave apo përmes instrumenteve automatike të pagesave, si kartat apo internet dhe mobile banking.





Lajmet e fundit nga