web counter
LEXO PA REKLAMA!

SHKARKO APP

App Store
Google Play

E fundit!

x

Eurozona, në ditë të mira

18 Shkurt 2015, 09:18, Ekonomi CNA

Indeksi i besimit të investitorëve në Gjermani ka prekur nivelin më të lartë të 12 muajve të fundit, gjatë muajit Shkurt të këtij viti.
Kjo rritje vjen si një reagim ndaj impaktit që pritet të ketë programi i stimujve nga ana e Bankës Qendrore Europiane dhe që pritet të fillojë të praktikohet në muajin Mars të këtij viti. Indeksi i cili ka për synim të parashikojë zhvillimet ekonomike 6 muaj përpara, është regjstruar në 53 pikë gjatë muajit Shkurt, ndërkohë që në Janar ishte fiksuar në 48.4 pikë.
Rritja në Gjermani, e cila është edhe ekonomia më e madhe e bllokut, është përshpejtuar ndjeshëm gjatrë muajve të fundit të vitit të shkuar duke ndihmuar edhe pjesën tjetër të rajonit të japë një performancë mbi pritshmëritë. Menjëherë pas publikimit të këtyre të dhënave, monedha e përbashkët europiane fitoi mbi 0.8% ndaj dollarit amerikan. Në hapje të sesionit, Euro preku nivele të reja minimale kundrejt valutave të tjera, për shkak të dështimit të negociatave mes Greqisë dhe Eurogrupit.
Që prej muajit Nëntor të vitit të kaluar, indeksi i besimit të investitorëve është rritur në mënyrë të vazhdueshme duke mposhtur edhe pritshmëritë. Eurozona në total ka regjistruar një indeks në 52.7 pikë, nga 45.2 që ishte një muaj më parë.
Lehtësimi sasior nga ana e Bankës Qendrore Europiane duket se i ka dhënë shtysën e fundit shpresave për rimëkëmbjen e Europës. Eurozona gjatë muajve të fundit ka regjistruar vazhdimisht tregues pozitiv. Vec deflacionit, i cili premton të gjejë zgjidhje nëpërmjet planit Draghi, njollazt e zeza të Europës vazhdojnë të mbetetn Greqia dhe Ukraina. RTV Scan





Lajmet e fundit nga