E fundit!

13:59 Politikë

Berisha merr në mbrojtje Shehajn: Tano Caridi, lule para Ballës, shkuarja te vila, akt i turpshëm

Kreu i PD-së Sali Berisha ka marrë në mbrojtje Agron Sheha...

Dosja e financave, 33 kontrata të parapaguara!

16 Shkurt 2015, 18:14, Ekonomi CNA

Një dosje prej 33 projekt-kontrata iu është vënë në dispozicion të deputetëve të Komisionit Parlamentar të Ekonomisë nga Ministria e Financave.

Këto kontrata janë financuar me letër-kredi nga ky dikaster në fund të vitit të kaluar. Ndërkohë pas akuzave të bëra nga deputetë të opozitës, dikasteri i Financave Publike ka zbardhur për ligjvënësit, këto letër kredi, që interpretohen në mënyra të ndryshme nga kampet politike, njëra anë si shkelje ligjore dhe ana tjetër si instrument financiar i buxhetit të shtetit.

Sipas deputetëve të opozitës, në muajin Dhjetor të 2014-ës, Ministri i Financave, Shkëlqim Cani, vlerësohet të ketë operuar përmes letër-kredive duke rritur fiktivisht shpenzimet publike.

Sipas Shehut, ky është një akt i kundërligjshëm, pasi këto kontrata janë firmosur përmes letër-kredisë, instrument që mund të përdoret vetëm në raste të veçanta. Ndërkohë referuar udhëzimit të ministrit të Financave, pika 147, nuk është i qartë përdorimi i këtij instrumenti, pasi pjesa e dytë e tij kundërshton pjesën e parë të kësaj pike.

147. Ndalohet përdorimi i formës së ngurtësimit në llogari të klientit për të gjitha kontratat (investime, shërbime). Në lidhjen e kontratave për investime nuk lejohet të parashikohet dhënia e fondeve buxhetore në formën e paradhënies, përveç rasteve kur parashikohet në kontratë me referencë të specifikuar të aktit ligjor/nënligjor. Në këto raste paradhënia mund të jetë deri në 10%, por jo më shumë se kufiri i garancisë së kontratës. Përjashtimet nga ky rregull mund të bëhen vetëm për kontrata të rëndësisë së veçantë (për investime dhe shërbime) dhe vetëm me miratim paraprak të Ministrit të Financave. Kushti i kontratës i lidhur në kundërshtim me këtë parashikim, është i pavlefshëm dhe nuk ekzekutohet.

Por referuar zyrtarëve të lartë të Ministrisë së Financave, letër kreditë janë instrumenta të përdorshëm, por akoma ky dikaster nuk ka bërë të qartë dhe transparente procedurën e përdorimit.

RTV Scan