E fundit!

10:38 Denoncim

Si Sokol Sadushi ka "kapur" sistemin e diplomacisë?

Tentakulat e Sokol Sadushit kanë prekur sistemin e diploma...

Ulen të ardhurat nga akciza

2 Mars 2015, 18:17, Ekonomi CNA

Ulja e çmimit të naftës në tregun ndërkombëtar gjatë muajve të fundit ka dhënë efektet edhe në vendin tonë, kryesisht në të ardhurat në buxhetin e shtetit.

Kështu duke iu referuar statistikave zyrtare të publikuara nga Ministria e Financave, të ardhurat nga akciza janë në vlerën e 1.7 miliardë lekëvë nga 2.2 miliardë lekë që ishte planifikimi, ose 441 milion lekë më pak. Por kjo vlerë është më e lartë se e njëjta periudhë e një viti më parë. Gjatë një takimi informal me gazetarët, Ministri i Financave, Shkëlqim Cani, u shpreh se në rënien e këtyre të ardhurave, ka ndikuar rënia e çmimit të naftës në tregjet ndërkombëtare, çka ndikoi edhe në uljen e prodhimit nga kompanitë vendase. Por si argument në uljen e të ardhurave në zërin e akcizës, sipas Canit, ka ndikuar edhe ulja e përdorimit të duhanit, si pasojë e politikave të ndërmarra nga kjo qeveri për këtë produkt.

Vetëm vitin e kaluar niveli i taksës së akcizës u rrit dy herë për cigaret. Ritja e akcizës me 20 lekë për paketë, pra nga 70 lekë për paketë në 90 lekë për paketë, u shoqërua direkt me rritjen e çmimit të ketij produkti. Në Shqipëri, rritja e akcizës së cigareve ka qenë graduale ndër vite, kështu nga 40 lekë/ paketa u kalua në 50 lekë/ paketa në vitin 2006 dhe nga 50 lekë/ paketa u kalua në 70 lekë paketa në vitin 2010.

Por rritja e akcizës së duhanit shoqërohet me rritjen e kontrabandës, fenomen ky që shoqëron gjithnjë të tilla produkte. Për këtë arsye, është propozuar që rritja e akcizës së cigares të bëhet në mënyrë progresive me rritje 20 lekë/paketa në vitin 2014 dhe me rritje 10 lekë/paketa në vite në vijim, derisa të arrihet në standardin e BE-së.

4500 lekë/1000 copë në 1 janar 2014

5000 lekë/1000copë në 1 janar 2015

5500 lekë/1000 copë në 1 janar 2016

6000 lekë/1000 copë në 1 janar 2017

Sipas direktivës së BE-së, niveli minimal i akcizës së cigareve duhet të jetë 57% e çmimit të shitjes me pakicë, ndërkohë që nivelin aktual të akcizës, Shqipëria e ka 34% të çmimit të shitjes me pakicë. Nga krahasimi me vendet e rajonit, rezulton se Shqipëria ka nivelin e akcizës të krahasueshëm me vendet e rajonit.

Kështu, Kosova e takson cigaren me 70 lekë/paketa, Mali i Zi e takson duhanin me 49 lekë/paketa; Maqedonia me 76 lekë/paketa, ndërsa Serbia me 92 lekë/paketa. Rritja e akcizës mbi cigaret është një nga politikat e përdorura për frenimin dhe uljen e konsumit të cigareve nga popullata, duke rritur çmimin e shitjes së tyre. Si bazë për llogaritjen e efekteve, është marrë konsumi vjetor prej 3600 tonë cigare.