web counter
LEXO PA REKLAMA!

SHKARKO APP

App Store
Google Play

Eurozona vazhdon ngjitjen

26 Shkurt 2015, 19:55, Ekonomi CNA

Besimi në ekonominë e Eurozonës është forcuar për të dytin muaj me rradhë në të dhënat të cilat i refertohen muajit Shkurt të këtij viti.
Ajo që ka surprizuar në këtë anketim është pikërisht morali në rritje në Itali, Francë dhe Spanjë por jo në Gjermani, vend prej të cilit ka patur mbështetje më të vogël ndaj planit të Bankës Qendrore Europaine për stimujt monetarë.
Indikatori i ndjeshmërisë ekonomike të Komisionit Europian u rrit me 0.7 pikë bazë për të prekur nivelin e 102,1 pikëve. Një e dhënë e tillë pozitive ka ardhur kryesisht falë rritjes së shpenzimeve konsumatore dhe besimit të tyre. Kjo e dhënë ka rezultuar edhe mbi pritshmëritë, të cilat flisnin për një nivel në 101,9 pikë.
Pavarsisht këtyre, indeksi i klimës së biznesit në Europë ka zhgënjyer, duke rënë me 0.07 pikë. Këto të dhëna në total, sinjalizojnë se plani Draghi për injektimin e 1.1 trilionë eurove në sistem, ka pasur një impakt domethënës në përmirësimin e klimës në Eurozonë.
Por, e njëjta gjë nuk mund të thuhet për Gjermaninë dhe Hollandën, vende në të cilat ndjeshmëria ekonomike ka rënë me 0.5 pikë bazë. Kriza e borxhit gjatë viteve 2010-2014 ka shkatërruar besimin e biznesit në mbarë bllokun. Ndjeshmëria ekonomike për Eurozonën gjatë muajit Shkurt të këtij viti ka rezultuar më e larta që prej muajit Korrik të vitit të shkuar





Lajmet e fundit nga