web counter
LEXO PA REKLAMA!

SHKARKO APP

App Store
Google Play

E fundit!

x

Qeveria bëhet gati për eurobondin e dytë

1 Mars 2015, 07:50, Ekonomi CNA

Pas miratimit të ligjit të ri për huamarrjen shtetërore, qeveria duket se po bëhet gati të dalë në tregun e jashtëm për eurobondin e radhës. Në faqen e saj zyrtare, Ministria e Financave ka publikuar kërkesën për një firmë konsulence ligjore, nga e cila kërkohet ndihmë profesionale për të dalë në tregun e eurobondit. Sipas draft kontratës së publikuar në faqen e internetit, Ministria e Financave ka shpallur kërkesën për të kontraktuar për një periudhë 2 mujore një firmë shërbimi konsulence ligjore për eurobondin.

Kontrata me firmën që do të përzgjidhet me datë 9 mars, do të kushtojë afro 17.5 milionë lekë, ose saktësisht 17.374 989 lekë pa TVSH. Kjo do të jetë hera e dytë që Shqipëria del në tregjet financiare ndërkombëtare me letra me vlerë në euro. Shqipëria emetoi një eurobond me vlerë 300 milionë euro në vitin 2010, që rezultoi me një përqindje interesi në masën 7.5%. Duke qenë se eurobondi i parë pesëvjeçar përfundon ciklin në fillim të nëntorit, qeveria po bëhet tashmë gati për eurobondin e radhës, i cili duket se në shifra do ti afrohet atij të mëparshmit. Paralajmërimi për këtë u dha pak muaj më parë dhe nga vetë ministri i Financave, Shkëlqim Cani, i cili deklaroi në një media ndërkombëtare se shifra mund të jetë 300 milionë euro, por nuk është çudi që të arrijë deri në 500 milionë euro.





Lajmet e fundit nga