web counter
LEXO PA REKLAMA!

SHKARKO APP

App Store
Google Play

E fundit!

x

Bankat me fitim për vitin 2014

3 Mars 2015, 20:32, Ekonomi CNA

Treguesit e parë final të vitit 2014, publikuar nga Shoqata Shqiptare e Bankave, dëshmuan një sistem të shëndetshëm në tërësi dhe në nivel të bankave të veçanta.
Mbështetur në statistikat e paaudituara, nga 15 banka që kanë publikuar të dhënat e vitit 2014, 12 prej tyre kanë mbyllur vitin financiar me rezultat financiar pozitiv. Lista e bankave më fitimprurëse, në vlerë absolute, kryesohet natyrshëm prej bankave me pjesë më të madhe tregu dhe vlerë më të lartë aktivesh.
Banka Kombëtare Tregtare e ka mbyllur vitin 2014 me një fitim prej 5.1 miliardë lekësh, ndërsa banka ?Raiffeisen? me një fitim prej 4.7 miliardë lekësh. Këto banka zotërojnë një portofol të konsiderueshëm të titujve qeveritarë, çka garanton në vazhdimësi një bazë të sigurt të ardhurash, për më tepër me rrezik të ulët.
Edhe banka ?Intesa Sanpaolo? e mbylli vitin me një fitim prej më shumë se dy miliardë lekësh, rreth dy herë më shumë krahasuar me vitin 2013. ?Credins Bank? mbylli një tjetër vit të suksesshëm, me një fitim prej 518 milionë lekësh dhe me një zgjerim të portofolit të kredisë prej 18.4%, rritje kjo disa herë më e lartë se mesatarja e sistemit bankar.
Rezultat pozitiv raportuan edhe bankat e tjera të sistemit, duke filluar nga ?Societe Generale?, ?Alpha Bank?, ?NBG Bank? dhe ?ProCredit Bank?. Vetëm tre banka e mbyllën vitin 2014 me rezultat negativ.
?Tirana Bank? dhe ?Credit Agricole? ndodhen ende në një fazë të konsolidimit të aktivitetit të tyre dhe po lëvizin gradualisht drejt stabilitetit, ndërsa rezultat negativ raportoi edhe ?Veneto Banka?.





Lajmet e fundit nga