Eksperti: Musk mund të humbë miliarda pas tërheqjes për blerjen e "Twitter"-it

10 Korrik 2022, 14:13, Tech CNA
Eksperti: Musk mund të humbë miliarda pas tërheqjes për
Miliarderi, Elon Musk

Elon Musk mund të humbasë miliarda dollarë, pasi u tërhoq nga marrëveshja për të blerë "Twitter", ka thënë një ekspert.

Scott Galloway i Universitetit të Nju Jorkut tha se Musk nuk kishte gjasa të fitonte betejën e pashmangshme ligjore me "Twitter" pasi u largua nga marrëveshja e tij prej 44 miliardë dollarësh të premten.

Ai tha për “Pivot Podcast” se Musk mund të detyrohet të paguajë diferencën midis 44 miliardë dollarëve që ai ofroi për "Twitter" dhe vlerës së tij tani, e cila qëndron në rreth 28 miliardë dollarë.

Musk mund të paguajë 1 miliard dollarë për t'u larguar nga marrëveshja, por me kryetarin e "Twitter" që planifikon veprime të gjera ligjore, Galloway tha se tarifa tani ishte "e diskutueshme".

Avokatët e Musk argumentuan në një letër në "Twitter" se kompania kishte shkelur marrëveshjen e saj duke dështuar në zbulimin e saktë të numrit të llogarive të rreme në platformë.

Megjithatë, Galloway tha se ky nuk ishte një justifikim për tërheqjen e Musk./ CNA.al

Lajmet e fundit nga