web counter
LEXO PA REKLAMA!

SHKARKO APP

App Store
Google Play

“Tare e donte me çdo kusht”, deklarata shokuese e mjekut: Në Serie A është një futbollist që nuk i lejohet të luajë

3 Dhjetor 2024, 10:41, Sport CNA
“Tare e donte me çdo kusht”, deklarata shokuese e mjekut:
Edoardo Bove

Pamjet e Edoardo Bove kanë bërë xhiron e globit dhe kanë frikësuar botën e futbollit, me mesfushorin e Fiorentina-s, që humbi ndjenjat në minutën e 17-të të ndeshjes ndaj Inter-it, teksa u dërgua me urgjencë në spital.

Ky episod sigurisht që i ka bërë dhe do t'i bëjë njerëzit të mendojnë sepse bëhet e vështirë të kuptosh se si sportistët e këtij niveli mund të jenë “viktima” të ngjarjeve të tilla dramatike gjatë ushtrimit të profesionit të tyre.

Ata që duhet të jenë të super-kontrolluar dhe në gjendje maksimale fizike.

Megjithatë, jo çdo gjë bëhet gjithmonë me vëmendjen maksimale.

Siç zbulohet nga Ivo Pulcini, drejtor aktual mjekësor i Lazio-s, i cili thekson se në Serie A është një futbollist që nuk duhet të luajë futboll.

“Në vitin 2019 vizitova një lojtar shumë të rëndësishëm, i cili tani po bën mirë dhe luan në Serie A, por nuk e konsiderova të përshtatshëm për të luajtur futboll. Lojtari u vizitua tre herë në klinika të ndryshme sepse Drejtori Sportiv, Igli Tare e donte me çdo kusht, por përgjigja "jo" mbeti e prerë”- deklaroi mjeku për mediet italiane.

Një deklaratë tronditëse kjo, duke ditur se rastet e futbollistëve që kanë rrezikuar jetën në fushën e lojës janë shtuar shumë në vitet e fundit./CNA





Lajmet e fundit nga